(ភ្នំពេញ)៖ នាព្រឹកថ្ងៃសៅរ៍ ទី៨ ខែវិច្ឆិកា ឆ្នាំ២០២៥ គណៈគ្រប់គ្រង នៃសាលាអន្តរជាតិគ្រីនហ្វៀល បានរៀបចំអោយ មាតាបិតា អ្នកអាណាព្យាបាល និងសាធារណៈជន ចូលរួមសិក្ខាសាលាដ៏សំខាន់ ក្រោមប្រធានបទ៖ «គ្រួសារមានសុភមង្គល និងជោគជ័យ»។

សិក្ខាសាលាខាងលើប្រព្រឹត្តឡើងក្រោមអធិបតេយ្យភាពរបស់លោក លី ចាន់ណារិទ្ធិ ដែលជានាយកប្រតិបត្តិនៃ សាលាអន្តរជាតិគ្រីនហ្វៀល (Greenfield International School) និងវាគ្មិនកិត្តិយសលោកស្រី Karen Robinson ដែលជាគ្រូបណ្តុះបណ្តាល និងជាអ្នកផ្តល់យុទ្ធសាស្ត្រអាជីវកម្មអន្តរជាតិ​ រួមទាំងមាតាបិតា និងអាណាព្យាបាល របស់សិស្សានុសិស្សទាំងអស់។

ឆ្លៀតក្នុងឱកាសនោះ លោក លី ចាន់ណារិទ្ធ បានលើកឡើងយ៉ាងដូច្នេះថា៖ «ជាទូទៅនៅពេលដែលមនុស្សគ្រប់រូបនិយាយអំពីធនធានមនុស្ស គឺផ្តោតទៅលើតែក្នុងសាលាមួយមុខគត់។ គាត់គិតថា ការអប់រំគឺចាប់ផ្តើមពីក្នុងសាលាទៅ។ ពេលដែលដាក់កូននៅក្នុងសាលាគឺ ដឹងតែចេះ ដឹងតែជោគជ័យ ដឹងតែកូនក្លាយជាធនធានដ៏ល្អហើយ»។ លោកបានបន្តទៀតថា «ប៉ុន្តែតាមពិតប្រសិនបើយើងមើលឲ្យបានធំទៅដល់ការវិវត្តន៍អំពីកុមារវិញ ការណ៍ដែលយើងត្រៀមចង់បានធនធានដ៏ល្អសម្រាប់ក្រុមគ្រួសាររបស់យើង សម្រាប់សង្គមជាតិរបស់យើង សម្រាប់ពិភពលោករបស់យើង គឺផ្តើមចេញតាំងពីផែនការក្នុងការយកកូនមកម្ល៉េះ»។

ជាមួយគ្នានេះ លោកស្រី Karen Robinson បានធ្វើការចែករំលែកអំពីអាថ៌កំបាំងចិញ្ចឹមកូនៗប្រកបដោយទំនុកចិត្ត និងរីករាយ ដោយផ្តោតទៅលើគន្លឹះសំខាន់ៗដូចជា៖
• ថាតើពាក្យសម្ដីអាចមានឥទ្ធិពលដល់ភាពជឿជាក់ និងអាកប្បកិរិយារបស់កូនៗដូចម្តេចខ្លះ
• របៀបគាំទ្រគ្នាទៅវិញទៅមក និងបង្កើតភាពចុះសម្រុងក្នុងគ្រួសារ
• វិធីសាស្រ្ត ១០ យ៉ាង ដើម្បីចិញ្ចឹមកូនឲ្យមានភាពសប្បាយរីករាយជោគជ័យ និងមានសីលធម៌ល្អ
• វិធីបង្កើតបរិយាកាសគ្រួសារឲ្យកាន់តែមានសេចក្តីសុខ សុភមង្គលនិងមានគោលដៅ
• វិធីដឹកនាំគ្រួសារដោយក្ដីស្រឡាញ់ ជាជាងការដាក់សម្ពាធ។

សាលាអន្ដរជាតិគ្រីនហ្វៀល ចាប់ទទួលសិស្សចាប់ពីអាយុ ២ឆ្នាំ មានសាខា ចំនួន២ នៅសាខាឬស្សីកែវ និងមានជ័យ ។ សាលាផ្ដល់ជូន៣ភាសា រួមមាន៖ ខ្មែរ, អគ្លេស និងភាសាចិន។ សំរាប់ការចុះឈ្មោះក្នុងពេលឥលូវនេះនិងទទួលបានប្រម៉ូសិន២៥% រយះពេល៥ឆ្នាំ និង ១៥%រហូតដល់ថ្នាក់ទី១២។

ក្រៅពីថ្នាក់៣ភាសា សាលាក៏មានថ្នាក់បន្ថែមដោយឥតគិតថ្លៃទៅលើ បង្រៀនហែលទឹក តន្រ្តី កុំព្យូទ័រ គូរគំនូរ កីឡា តារាងបាល់ សួនដាំដំណាំ បន្ទប់ពិសោធន៍ និងបណ្ណាល័យធំទូលលាយផងដែរ។

សម្រាប់ព័ត៌មានលម្អិតអំពីការចុះឈ្មោះចូលរៀន
សាខាឫស្សីកែវ៖ ០៨៩ ៧៧៧ ១៣៨ / ០៩៨ ៧៧៧ ១៣៨ / ០៦៨ ៧៧៧ ១៣៨
សាខាមានជ័យ៖ ០៩៩ ៧៧៧ ១៣៨ / ០៨៧ ៧៧៧ ១៣៨ / ០៦៦ ៧៧៧ ១៣៨៕