(ភ្នំពេញ)៖ លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរស៉ីវិល នៅព្រឹកថ្ងៃទី២៥ ខែកក្កដា ឆ្នាំ២០២៥ បានចេញមកបញ្ជាក់ថា គិតមកដល់ពេលនេះ (ម៉ោង១០៖៥០ព្រឹក) ជើងហោះរវាងរាជធានីភ្នំពេញ-ទីក្រុងបាងកក និងទីក្រុងសៀមរាប- ទីក្រុងបាងកក នៅបន្តដំណើរការហោះហើរជាធម្មតា។

លោកថា រដ្ឋលេខាធិការដ្ឋានអាកាសចរស៉ីវិល កំពុងតាមដានស្ថានភាពជាប់ជាប្រចាំ និងជូនដំណឹងដល់សាធារណជនភ្លាមៗបើមានអ្វីប្រែប្រួល។

ដោយឡែកសម្រាប់ការហោះហើររំលង ដោយប្រើ​ប្រាស់ដែនអាកាសកម្ពុជា, អាកាសចរណ៍ស៉ីវិលកម្ពុជា បានជូនដំណឹងដល់ក្រុមហ៊ុនអាកាសចរណ៍ ឱ្យមានការហោះវាងពីតំបន់ប្រយុទ្ធគ្នា៕