(ភ្នំពេញ)៖ លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា លើកទឹកចិត្តដល់អ្នកប្រកបអាជីវកម្ម ក្នុងវិស័យទេសចរណ៍ទាំងខ្នាតតូច និងធំ ចុះបញ្ជីស្របច្បាប់ ដើម្បីងាយស្រួលក្នុងការប្រកបអាជីវកម្ម ពង្រីកវិសាលភាពអាជីវកម្ម និងការចរចាផ្សេងៗជាមួយដៃគូនានាទាំងក្នុងក្រៅប្រទេស។

លោកស្រីបានលើកឡើងថា សម័យចបច្ចុប្បន្ននេះ មិនដូចសម័យមុននោះទេ ដែលវាដល់ពេលហើយ ត្រូវតែចុះបញ្ជីធ្វើឱ្យអាជីវកម្មរបស់ស្របច្បាប់ ព្រោះការចុះបញ្ជីស្របច្បាប់ នឹងធ្វើឱ្យអាជីវកម្មមានលទ្ធភាពខ្ពស់ ក្នុងការពង្រីកសក្តានុពលរបស់ខ្លួន។ ទន្ទឹមគ្នានេះ ក៏ផ្តល់ភាពងាយស្រួលដល់ម្ចាស់អាជីវកម្មចេញទៅចរចាជាមួយដៃនានានៅក្រៅប្រទេសផងដែរ ព្រោះទាល់តែយើងជាអាជីវកម្មចុះបញ្ជីស្របច្បាប់ នោះទើបគេមានទំនុកចិត្ត។

លោកស្រីបញ្ជាក់ថា ការចុះបញ្ជីស្រប រដ្ឋាភិបាលនបានដាក់សម្ពាធអ្វីឡើយ មានតែលើកទឹកចិត្ត និងជួយគាំទ្រឱ្យអាជីវកម្មកាន់តែរីកចម្រើន។
សូមស្តាប់ប្រសាសន៍បន្ថែម របស់ លោកស្រី ឆាយ ស៊ីវលីន៖