(ភ្នំពេញ)៖ លោកបណ្ឌិត ម៉ី កល្យាណ ទីប្រឹក្សារាជរដ្ឋាភិបាល បានលើកឡើងថា ការព្រលែងបង្កង ក្នុងបឹងធម្មជាតិ នៅទូទាំងប្រទេសកម្ពុជា ជះផលយ៉ាងធំដល់សេដ្ឋកិច្ច ជាពិសេសជួយដល់ប្រជាជនក្រីក្រ ឱ្យមានចំណូលផងដែរ។

ការលើកឡើងបែបនេះ ធ្វើឡើងក្នុងឱកាសដែល លោកបណ្ឌិត ម៉ី កល្យាណ អញ្ជើញចូលរួម ក្នុងកិច្ចពិភាក្សាលើប្រធានបទ៖ «ការប្រើវិទ្យាសាស្ត្រ ជំរុញផលបង្កងទឹកសាបក្នុងធម្មជាតិ​» ក្នុងកម្មវិធី FRESH BUSINESS។

លោកបណ្ឌិត ម៉ី កល្យាណ បានបញ្ជាក់យ៉ាងដូច្នេះ «ខ្ញុំជឿថា បានផលច្រើនណាស់ សម្រាប់ប្រទេសជាតិ ជាពិសេសបានដល់អ្នកក្រីក្រជនបទ និយាយសាមញ្ញា យកលុយពីអ្នកមានជួយអ្នកក្រ លើការព្រលែងបង្កង [...] មកដល់ពេលនេះ អ្វីដែលខ្មែរអាចធ្វើបាន គឺចាប់ផ្ដើមធ្វើ កុំនៅចាំយូរ»។

បន្ថែមពីនោះទៀត លោកបណ្ឌិត ម៉ី កល្យាណ បានឲ្យដឹងថា បើសិនជាយកបង្កង៥ម៉ឺនក្បាល ប្រលែងនៅក្នុងបឹងកំពឹងពួយ នៅក្នុងខេត្ដបាត់ដំបង វានឹងធ្វើឲ្យបឹងនោះមានបង្កង ហើយនឹងទាក់ទាញភ្ញៀវទេសចរមកលេងកំសាន្ដ និងបរិភោគបង្កងនៅទីនោះផងដែរ ដែលនេះ ជាចំណុចពិសេសមួយក្នុងទាក់ទាញ៕

ខាងក្រោមនេះ ជាការលើកឡើងទាំងស្រុង របស់លោកបណ្ឌិត ម៉ី កល្យាណ៖