(ភ្នំពេញ)៖ លោក ណៅ ធួក អតីតប្រធានរដ្ឋបាលជលផល បានឱ្យដឹងថា បង្កងទឹកសាបដែលដាក់លក់នៅលើទីផ្សារ ប្រមាណ៩៨% គឺជាបង្កងចិញ្ចឹម និងនាំចូល ខណៈបង្កងធម្មជាតិ មានតិចតួចបំផុត។

លោកបានឱ្យដឹងថា ​ក្នុងអំឡុងពេលខែសីហានេះ បង្កងធម្មជាតិទើបតែញាស់ ទាល់តែដល់ខែ​ធ្នូ ឬមករា ទើបធំ(ប្រមាណ៥ក្បាលក្នុងមួយគីឡូ)។

លោកបានលើកឡើងថា ​តម្រូវការបង្កងនៅក្នុងទៅទីផ្សារធំ ដោយមួយថ្ងៃយ៉ាងហោចណាស់នាំចូលពីក្រៅប្រទេសមកប្រមាណ៤០តោនក្នុងមួយថ្ងៃ​ ហេតុដូច្នេះហើយទើបលោកអំពាវនាវឱ្យចូលរួមទាំងអស់គ្នា បរិច្ចាគថវិកា ទិញកូនបង្កងព្រលែងចូលទៅក្នុងបឹងធម្មជាតិ។ បើទោះបីជាមានការព្រលែងកូនបង្កងចូលក្នុងបឹងធម្មជាតិ ក៏ដោយ ប៉ុន្តែមិនប៉ះពាល់ដល់ការប្រកួតប្រជែងជាមួយបង្កងចិញ្ចឹមនោះទេ។ ​

បើតាមមន្រ្តីកសិកម្មជើងចាស់រូបនេះ កាលពីអតីតកាល ការប្រមូលផលបង្កងធម្មជាតិមានចំនួនរាប់រយតោនក្នុងមួយឆ្នាំៗ តែមកទល់បច្ចុប្បន្ននេះ មានប្រមាណតែ២០ទៅ៣០តោនក្នុងមួយឆ្នាំប៉ុណ្ណោះ។

លោក ណៅ ធួក មានប្រសាសន៍បែបនេះ ធ្វើឡើងនៅក្នុងកម្មវិធី ​FRESH BUSINESS​ ​ពិភាក្សាលើប្រធានបទ៖«ការប្រើវិទ្យាសាស្ត្រ ជំរុញផលបង្កងទឹកសាបក្នុងធម្មជាតិ​»។

សូមស្តាប់ប្រសាសន៍បន្ថែមរបស់ ​លោក ណៅ ធួក៖