(ភ្នំពេញ)៖ លោកបណ្ឌិត ណៅ ធួក អតីតប្រធានរដ្ឋបាលជលផល ប្រាប់ពីវិធីសាស្រ្ត ២ចំណុចជំរុញឱ្យ ផលបង្កងធម្មជាតិសំបូរឡើងវិញ និងផ្តល់ចំណូលខ្ពស់។

ការលើកឡើងរបស់លោកបណ្ឌិត ណៅ ធួក ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «ការប្រើវិទ្យាសាស្ត្រ ជំរុញផលបង្កងទឹកសាបក្នុងធម្មជាតិ»។

លោកបណ្ឌិត ណៅ ធួក បានថ្លែងថា កន្លងមកកម្ពុជាធ្លាប់មានផងបង្កងបានរាប់រយតោនក្នុងមួយឆ្នាំៗ ប៉ុន្ដែចុងក្រោយនេះ ផលបង្កងធ្លាក់ចុះមកត្រឹមប៉ុន្មានសិបគីឡូប៉ុណ្ណោះក្នុងមួយឆ្នាំ។ ដើម្បីជួយឱ្យបង្កងមានសក្ដានុពលឡើងវិញត្រូវប្រើបច្ចេកទេស ក្នុងនោះការប្រើវិទ្យាសាស្រ្ដ ក្នុងការភ្ញាស់កូនបង្កង និងការទាញយកសក្ដានុពលពីធម្មជាតិ ដើម្បីចិញ្ចឹមបង្កង។

លោកបណ្ឌិតបានបន្ដថា ការទាញយកពីសក្ដានុពលពីធម្មជាតិនៃការចិញ្ចឹមបង្កង ត្រឹមតែ១ហិចតាចិញ្ចឹមបង្កង២គីឡូក្រាម នឹងអាចទទួលផលប្រមាណ៦ពានតោនក្នុងមួយឆ្នាំ និងលក់បានប្រមាណ១៨០លានដុល្លារ៕

សូមស្តាប់ការលើកឡើងរបស់បណ្ឌិត ណៅ ធួក៖