(ភ្នំពេញ)៖ លោកបណ្ឌិត ម៉ី កល្យាណ ទីប្រឹក្សារាជរដ្ឋាភិបាល អំពាវនាវដល់វិស័យឯកជន និងប្រជាពលរដ្ឋវិភាគទានរួមគ្នា ដើម្បីទិញកូនបង្កងលែងក្នុងបឹងធម្មជាតិ ពង្រីកនៅតាមបណ្តាខេត្តផ្សេងៗក្រៅពីតាកែវ និងអ្នកលឿង។

លោកបណ្ឌិត ម៉ី កល្យាណ បានថ្លែងឲ្យដឹងថា អំពាវនាវដល់វិស័យឯកជន និងប្រជាពលរដ្ឋវិភាគទានរួមគ្នា ដើម្បីទិញបង្កងយកមកលែងនៅតាមទីសាធារណៈ ដើម្បីឲ្យពលរដ្ឋអាចចាប់បង្កងបាន ក្នុងការសម្រួលជីវភាព ដែលនេះជារឿងល្អមួយសម្រាប់សង្គម។

លោកបណ្ឌិត ម៉ី កល្យាណ បានបន្ដថា ប្រជាពលរដ្ឋគ្រាន់តែរៃអង្គាសថវិកាជួយគ្នាម្នាក់បន្ដិចៗ យើងនឹងអាចសម្រេចបាននូវ ការទិញបង្កងលែងក្នុងបឹងធម្មជាតិ ពង្រីកនៅតាមបណ្តាខេត្តផ្សេងៗក្រៅពីតាកែវ និងអ្នកលឿងបានយ៉ាងងាយស្រួល ព្រោះថា ចំពោះបច្ចេកទេសគឺយើងចេះហើយ តាមរយៈការបង្រៀនពីចៃកា (JICA) ក្រៅពីនេះយើងគ្រាន់តែត្រូវការចូលរួមពី សំណាកប្រជាពលរដ្ឋបន្ថែមប៉ុណ្ណោះ៕

សូមស្តាប់ការលើកឡើងរបស់លោក ម៉ី កល្យាណ៖