(ភ្នំពេញ)៖ ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាស​ PPM-Confirel បានថ្លែងឲ្យដឹងថា ដើម្បីឱ្យការផលិតទទួលបានផលចំណេញ ម្ចាស់សហគ្រាសត្រូវ ​រៀបចំប្រព័ន្ធផលិតឱ្យបា​នល្អ បង្កើតជាការអភិវឌ្ឍវិលជុំ​ មានន័យថា ការផ្គត់ផ្គង់ត្រូវតែវិលជុំដោយមិនដាច់នោះឡើយ។

ការលើកឡើងរបស់លោកឧកញ៉ាឱសថបណ្ឌិត ហៃ លីអ៊ាង FRESH BUSINESS: កិច្ចពិភាក្សាលើប្រធានបទ៖ «ឱកាសជំរុញផលិតកម្មរបស់ប្រទេសកម្ពុជា​»។

លោកកញ៉ាឱសថបណ្ឌិត ហៃ លីអ៊ាង បានថ្លែងឲ្យដឹងថា ដើម្បីឲ្យការផលិតយូរអង្វែង យើងត្រូវចេះបង្កើតការផលិតដូចជាផ្លូវមួយ ដោយធ្វើការកែច្នៃ ប្រកួតប្រជែងតម្លៃឲ្យប្រហាក់ប្រហែលនឹងទីផ្សាររបស់គេ យើងត្រូវលើកពីបញ្ហាម្ដងមួយៗ ដើម្បីរកដំណោះស្រាយ និងជាទិសដៅក្នុងការសម្រេចបាន។

លោកឧកញ៉ាឱសថបណ្ឌិតបានបន្ដថា ចំពោះការផលិតកែច្នៃ ដើម្បីទទួលបានផលចំណេញម្ចាស់សហគ្រាស ត្រូវមានភាពវ័យឆ្លាតក្នុងការកែច្នៃ ជាក់ស្ដែងប្រសិនបើយើងចំណាយលើម៉ាស៊ីនមួយ យើងត្រូវយកម៉ាស៊ីនមួយនេះទៅកែច្នៃ វត្ថុៗផ្សេងជាច្រើនទៀតបានដូចគ្នា ដើម្បីទទួលបានផលរួមគ្នា ដូច្នេះត្រូវធ្វើយ៉ាងណាឲ្យក្លាយទៅជាការអភិវឌ្ឍមួយដែលវិលជុំ ផ្គត់ផ្គង់មិនដាច់៕

សូមស្តាប់ការពន្យល់របស់ឧកញ៉ាឱសថបណ្ឌិត ហៃ លីអ៊ាង៖