(ភ្នំពេញ)៖ ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាស PPM-Confirel បានលើកឡើងថា បច្ចុប្បន្ននេះ គឺឱកាសមាស ក្នុងការជំរុញការផលិត ផលិតផលក្នុងស្រុក ស្របតាមស្មារតីជាតិនិយម ប៉ុន្តែកុំធ្វើតាមគ្នារហូតដល់ហួសកម្រិតនាំឱ្យសល់ ដែលធ្វើឲ្យមានផលលំបាកក្នុងចំណេញ។

ការលើកឡើងបែបនេះ ធ្វើឡើងក្នុងឱកាសដែល ឧកញ៉ាឱសថបណ្ឌិត ហៃ លីអ៊ាង អញ្ជើញចូលរួម ក្នុងកិច្ចពិភាក្សាលើប្រធានបទ៖ «ឱកាសជំរុញផលិតកម្មរបស់ប្រទេសកម្ពុជា» ក្នុងកម្មវិធី FRESH BUSINESS។

ឧកញ៉ាឱសថបណ្ឌិត ហៃ លីអ៊ាង បានបញ្ជាក់យ៉ាងដូច្នេះថា «សព្វថ្ងៃនេះ គឺមានចលនាក្នុងស្រុក ប៉ុន្ដែមិនទាន់មានការរៀបចំ អីចឹងទៅជួនកាលយើងធ្វើតាមគ្នា ធ្វើឲ្យចំនួនដែលដាក់នៅក្នុងទីផ្សារច្រើនហួសតម្រូវការ ខណៈកន្លែងខ្លះទៀតអត់មាន ដោយសារការវិនិយោគខ្ពស់»។

បន្ថែមពីនោះទៀត ឧកញ៉ាឱសថបណ្ឌិត ហៃ លីអ៊ាង បានឲ្យដឹងថា បច្ចុប្បន្ននេះ គឺជាឱកាសមាស ដែលត្រូវធ្វើយ៉ាងដូចម្ដេច ជំរុញការផលិតនៅក្នុងស្រុក ទៅតាមសន្ទុះតម្រូវការ របស់អ្នកប្រើប្រាស់ ហើយកុំធ្វើផលិតផលដដែលៗតាមគ្នា ដែលធ្វើហួសកម្រិតនាំឲ្យសល់ ហើយកាលណាវាសល់ វានឹងធ្វើឲ្យផលិតផលនោះ មានតម្លៃថោក៕

ខាងក្រោមនេះ ជាការលើកឡើងទាំងស្រុង របស់ឧកញ៉ាឱសថបណ្ឌិត ហៃ លីអ៊ាង៖