(ភ្នំពេញ)៖ អ្នកឧកញ៉ា លាង ម៉េង ស្ថាបនិកក្រុមហ៊ុន ខ្មែរ ប៊ែរវើរីជីស លើកទឹកចិត្ត SMEs គិតគូរអភិវឌ្ឍន៍ផលិតកម្មរបស់ខ្លួន ព្រោះប្រសិនបើនៅផលិតបែបបុរាណ នឹងធ្វើឱ្យតម្លៃដើមផលិតខ្ពស់ មិនអាចប្រកួតប្រជែងបានឡើយ ដូច្នេះបើមានការកែច្នៃច្រើនទើបនាំឲ្យមានការអភិវឌ្ឍច្រើនល្អប្រសើរ។

លើកឡើងក្នុងកម្មវិធីរបស់ FRESH BUSINESS កិច្ចពិភាក្សាលើប្រធានបទ៖ «យន្តការផលិតផលិតផលថ្មី​ ស្របពេលនិន្នាការគាំទ្រផលិតផលក្នុងស្រុកមានសន្ទុះខ្លាំង» អ្នកឧកញ៉ា លាង ម៉េង បានថ្លែងឲ្យដឹងថា SMEs គិតគូរអភិវឌ្ឍន៍ផលិតកម្មរបស់ខ្លួន ព្រោះប្រសិនបើនៅផលិតបែបបុរាណ នឹងធ្វើឱ្យតម្លៃដើមផលិតខ្ពស់ មិនអាចប្រកួតប្រជែងបានឡើយ ត្រូវតែរកឲ្យឃើញនូវចំណុចដែលត្រូវផ្ដោត ត្រូវពង្រឹងនូវជំនាញអភិវឌ្ឍន៍ទោះបីជាយើងធ្វើអាជីវកម្មក្នុងកម្រិតតូចក្ដី ឬធំក្ដី ដោយមិនអាចធ្វើតាមវិធីបុរាណនោះទេ ព្រោះការធ្វើតាមវិធីបុរាណធ្វើឲ្យតម្លៃខ្ពស់ ដែលមិនអាចផ្គត់ផ្គងតម្លៃលើទីផ្សារបាន។

អ្នកឧកញ៉ា លាង ម៉េង បានថ្លែងបញ្ជាក់ថា ការផលិតបែបបុរាណនឹងធ្វើឱ្យតម្លៃដើមផលិតខ្ពស់ មិនអាចប្រកួតប្រជែងបានឡើយ តម្លៃខ្ពស់ពេកនឹងមិនមានការគាំទ្រពីប្រជាពលរដ្ឋនោះឡើយ ដែលជាហេតុនាំឲ្យដង្ហើមនៃអាជីវកម្មមិនអាចដកបាន៕

សូមស្ដាប់ការលើកឡើងរបស់អ្នកឧកញ៉ា លាង ម៉េងទាំងស្រុង៖