(ភ្នំពេញ)៖ អ្នកឧកញ៉ា លាង ម៉េង ស្ថាបនិកក្រុមហ៊ុន ខ្មែរ ប៊ែរវើរីជីស បានលើកឡើងថា ស្មារតីជាតិនិយម នឹងធ្វើឱ្យពលរដ្ឋដែលងាកមកប្រើផលិតផលខ្មែរ ដឹងកាន់តែច្បាស់ថា របស់ដែលផលិតនៅខ្មែរ មិនមែនអន់ទេ ហើយពួកគាត់នឹងចាប់ផ្តើមមានទំនុកចិត្ត និងដក់ក្នុងបេះដូង។

ការលើកឡើងបែបនេះ ធ្វើឡើងក្នុងឱកាសដែល អ្នកឧកញ៉ា លាង ម៉េង អញ្ជើញចូលរួម ក្នុងកិច្ចពិភាក្សាលើប្រធានបទ៖ «យន្តការផលិតផលិតផលថ្មី​ ស្របពេលនិន្នាការគាំទ្រផលិតផលក្នុងស្រុកមានសន្ទុះខ្លាំង» ក្នុងកម្មវិធី FRESH BUSINESS។

អ្នកឧកញ៉ា លាង ម៉េង បានបញ្ជាក់យ៉ាងដូច្នេះថា «ឥលូវ យើងមានស្មារតីជាតិនិយម ដល់ចឹងយើងផ្លាស់ប្ដូរ មកប្រើផលិតផលខ្មែរ កូនខ្មែរនឹងកាន់តែដឹងថា ផលិតផលខ្មែរល្អ គ្រាន់តែមិនដែលបានសាកល្បង ដូច្នេះវាជាឱកាសធំ សម្រាប់កូនខ្មែរ ដែលវិនិយោគផលិតផលខ្មែរ»៕

ខាងក្រោមនេះ ជាវីដេអូនៃការលើកឡើងទាំងស្រុង របស់អ្នកឧកញ៉ា លាង ម៉េង៖