(ភ្នំពេញ)៖ អ្នកឧកញ៉ា លាង ម៉េង ស្ថាបនិកក្រុមហ៊ុន ខ្មែរ ប៊ែរវើរីជីស បានលើកឡើងថា ជីប ម៉ុង ផ្តោតសំខាន់ទៅលើការផលិតរបស់មួយឱ្យល្អ គឺមិនមែនល្អតែមួយថ្ងៃ ឬមួយខែ ឬមួយឆ្នាំទេ ប៉ុន្តែត្រូវធ្វើឱ្យល្អរាប់រយឆ្នាំទៅមុខ ទើបអាចឱ្យពលរដ្ឋខ្មែរគាំទ្រ និងមាននិរន្តភាព។

ការលើកឡើងបែបនេះ ធ្វើឡើងក្នុងឱកាសដែល អ្នកឧកញ៉ា លាង ម៉េង អញ្ជើញចូលរួម ក្នុងកិច្ចពិភាក្សាលើប្រធានបទ៖ «យន្តការផលិតផលិតផលថ្មី​ ស្របពេលនិន្នាការគាំទ្រផលិតផលក្នុងស្រុកមានសន្ទុះខ្លាំង» ក្នុងកម្មវិធី FRESH BUSINESS។

អ្នកឧកញ៉ា លាង ម៉េង បានបញ្ជាក់យ៉ាងដូច្នេះថា «ខ្ញុំតែងតែមានទ្រឹស្ដីមួយថា យើងផលិតរបស់មួយឲ្យល្អ គឺមិនមែនល្អមួយថ្ងៃ ល្អមួយខែ ឬល្អមួយឆ្នាំនោះទេ គឺយើងចង់ឲ្យល្អរាប់រយឆ្នាំទៅមុខ កន្លែងនេះ ជីបម៉ុង បានគិតយុទ្ធការនេះច្បាស់តែម្ដង គឺបង្កើតជាវប្បធម៌មួយដល់កូនខ្មែរ» បន្ថែមពីនោះទៀត អ្នកឧកញ៉ា លាង ម៉េង បានលើកឡើងថា បើចង់ឲ្យប្រជាពលរដ្ឋខ្មែរគាំទ្រ មានស្មារតីមួយស្រលាញ់ផលិតផលខ្មែរ ទាល់តែយើងទាំងអស់គ្នា ចូលរួមកសាងជាមួយគ្នា ជាពិសេសមើលឃើញនូវបច្ចេកវិទ្យាលើពិភពលោកមានអ្វីខ្លះ យើងត្រូវយកមកអនុវត្ដ៕

ខាងក្រោមនេះ ជាវីដេអូនៃការលើកឡើងទាំងស្រុង របស់អ្នកឧកញ៉ា លាង ម៉េង