(ភ្នំពេញ)៖ បណ្ឌិត ជេត ជាលី សាកលវិទ្យាធិការ RUPP បានលើកឡើងថា មិនដែលមានការអភិវឌ្ឍណា ដែលគ្មានសន្តិភាពនោះឡើយ ហើយដើម្បីជំរុញការអភិវឌ្ឍ សូមប្រជាពលរដ្ឋខ្មែរមានស្មារតីជាតិ ឱ្យខ្លាំងក្លាជាងមុន។

ការលើកឡើងបែបនេះ ធ្វើឡើងក្នុងឱកាសដែល បណ្ឌិត ជេត ជាលី អញ្ជើញចូលរួម ក្នុងកិច្ចពិភាក្សាលើប្រធានបទ៖ «ទំនាក់ទំនងរវាងសន្តិភាព និងការអភិវឌ្ឍសេដ្ឋកិច្ចរបស់កម្ពុជា» ក្នុងកម្មវិធី FRESH BUSINESS។

បណ្ឌិត ជេត ជាលី បានបញ្ជាក់យ៉ាងដូច្នេះថា សន្ដិភាព និងការអភិវឌ្ឍន៍ ចំណុចទាំង២នេះ មានទំនាក់ទំនងគ្នាជាប់រហូត មិនដែលមានការអភិវឌ្ឍន៍ណា ដែលគ្មានសន្ដិភាពនោះទេ ប៉ុន្ដែអាចមានសន្ដិភាព ដោយគ្មានការអភិវឌ្ឍន៍។

បន្ថែមពីនោះទៀត បណ្ឌិត ជេត ជាលី បានគូសបញ្ជាក់ថា ដើម្បីមានការអភិវឌ្ឍ ប្រជាជនកម្ពុជា ត្រូវមានស្មារតីជាតិឲ្យខ្លាំងជាងមុន សូមទុកបញ្ហាដែលកើតឡើងចំពោះមុខ គឺជាឱកាស ដោយមិនមែនទុកជាការគំរាមកំហែង ឬសុទ្ធតែជាគ្រោះថ្នាក់៕

សូមស្តាប់ការលើកឡើងទាំងស្រុង របស់បណ្ឌិត ជេត ជាលី៖