(ភ្នំពេញ)៖ បណ្ឌិត ជេត ជាលី សាកលវិទ្យាធិកានៃសាកលវិទ្យាល័យភូមិន្ទភ្នំពេញ (RUPP) មានប្រសាសន៍ថា សង្រ្គាមខ្មែរ-ថៃ ដែលឈានទៅដល់ការផ្ទុះអាវុធរយៈពេល៥ថ្ងៃ មានមេរៀនជាច្រើន ដែលយើងអាចរៀនសូត្របាន ក្នុងនោះមេរៀនមួយដែលខ្មែរត្រូវចងចាំពីសង្រ្គាមនេះ គឺការសាមគ្គីភាពរវាងខ្មែរ និងខ្មែរ។

លោកគូសបញ្ជាក់ថា អំណាចនៃអាវុធ ទោះខ្លាំងប៉ុណ្ណាក៏ដោយ ក៏ពិបាកយកឈ្នះទឹកចិត្តសាមគ្គីភាពរវាងថ្នាក់ដឹកនាំ និងពលរដ្ឋ និងទឹកចិត្តស្នេហាជាតិរបស់ជាតិសាសន៍មួយណាស់។ ដូច្នេះហើយខ្មែរត្រូវរក្សាវាឱ្យបាន ដែលជាភាពខ្លាំងរបស់យើង ក្នុងការយកឈ្នះសត្រូវ។

លោកបន្ថែមថា ភាពខ្លាំងរបស់កម្ពុជាមួយទៀត គឺនយោបាយកាទូត និងច្បាប់ បានដែលធ្វើយ៉ាងឆាប់រហ័ស និងទទួលបានជោគជ័យយ៉ាងមានប្រសិទ្ធភាព។

បណ្ឌិត ជេត ជាលី លើកឡើងបែបនេះ ធ្វើឡើងក្នុងកម្មវិធី FRESH BUSINESS ពិភាក្សាលើប្រធានបទ៖ «ទំនាក់ទំនងរវាងសន្តិភាព និងការអភិវឌ្ឍសេដ្ឋកិច្ចរបស់កម្ពុជា»។

សូមស្តាប់ប្រសាសន៍បន្ថែមរបស់ បណ្ឌិត ជេត ជាលី៖