* កូនប្រុសសម្តេចមហាបវរធិបតី អាយុទើប៩ឆ្នាំ តែមានសមត្ថភាពរៀនគណិតវិទ្យាកម្រិតមធ្យម
* អ្នកសារព័ត៌មានអន្តរជាតិ ចុះផ្ដិតយករូបភាពពីស្លាកស្នាមឈឺចាប់ បន្សល់ទុកដោយការឈ្លានពានរបស់យោធាថៃ នៅតាមបន្ទាត់ព្រំដែន
* លោកជំទាវបណ្ឌិត ពេជ ចន្ទមុន្នី តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញសំណេះសំណាលសួរសុខទុក្ខ និងចែកអំណោយជូនពលរដ្ឋងាយរងគ្រោះបំផុត ១០២០គ្រួសារ នៅខេត្ដពោធិ៍សាត់
* លោក Mark Rutte៖ NATO នឹងការពារទឹកដីគ្រប់ចំអាមទាំងអស់របស់ប៉ូឡូញ
* កម្ពុជា រកឃើញជំងឺអុតស្វាមួយករណីថ្មី, ក្រសួងអំពាវនាវដល់ប្រជាពលរដ្ឋយកចិត្តទុកដាក់ថែសុខភាព
* សម្ដេចធិបតី ហ៊ុន ម៉ាណែត៖ កុំចាំបាច់ធ្វើល្អឥតខ្ចោះទើបចាប់ផ្ដើម ត្រូវហ៊ានចាប់ផ្ដើមធ្វើដាក់ឲ្យប្រើប្រាស់បណ្ដើរៗ និងកែតម្រូវទើបយើងទៅមុខ
* សម្តេចមហាបវរធិបតី ហ៊ុន ម៉ាណែត៖ ពាណិជ្ជកម្មកម្ពុជា-ថៃ មាន ៤ពាន់លានដុល្លារ បើយកត្រឹម ៣ភាគរយ ក៏មានទុន ៣០០លានដុល្លារ សម្រាប់គាំទ្រការផលិតក្នុងស្រុក
* សម្តេចមហាបវរធិបតី ហ៊ុន ម៉ាណែត ប្រាប់ទៅមន្ត្រីប្រយ័ត្នមិនយល់ពីរបៀបស្លៀកពាក់ ឬប្រើប្រាស់សម្លៀកបំពាក់ប្រពៃណីខ្មែរ ហើយទៅស្លៀក ទៅប្រើរបស់គេ
* សម្តេចធិបតី ហ៊ុន ម៉ាណែត បានថ្លែងថា យើងត្រូវដាក់ឲ្យប្រើប្រាស់បណ្តើរៗ និងកែតម្រូវកម្មវិធីបណ្តើរៗ កុំចាំបាច់ធ្វើល្អឥតខ្ចោះលើសគេសិនទើបយើងចេញ ឬចាប់ផ្តើម ការធ្វើបែបនេះគឺមិនកើតទេ កុំចាំផលិតផលរបស់យើងល្អឥតខ្ចោះទើបចេញនោះ, ចេញបណ្តើរៗ ធ្វើបណ្តើរៗត្រូវតែហ៊ានធ្វើបែបនេះទើបយើងមានផលិតផលខ្មែរ។
* សម្តេចមហាបវរធិបតី ហ៊ុន ម៉ាណែត អំពាវនាវដល់ម្ចាស់សហគ្រាសធន់មីក្រូ តូច និងមធ្យម ពង្រឹងគុណភាព ទោះមានការគាំទ្រកម្រិតណា ក៏ត្រូវតែរក្សាគុណភាពផលិតផល។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរួមគ្នាគាំទ្រផលិតផលខ្មែរ គឺជាការពង្រឹងខ្លួនឯង មិនមែនដើម្បីពហិការផលិតផលប្រទេសណាមួយនោះទេ។
* សម្តេចមហាបវរធិបតី ហ៊ុន ម៉ាណែត បានថ្លែងថា ការបិទព្រំដែនរបស់ថៃ មិនបានធ្វើឱ្យកម្ពុជាស្លាប់នោះទេ តែជាឱកាសនៃការពង្រឹងខ្លួនឯង ដោយសម្តេចចាត់ទុកជាឱកាសមាស។
* សម្តេចមហាបវរធិបតី ហ៊ុន ម៉ាណែត ចង់ឃើញ១០ឆ្នាំក្រោយ ៨០ភាគរយជាផលិតផលផលិតក្នុងស្រុក ហើយ២០ភាគរយនាំពីក្រៅ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ពាណិជ្ជកម្មកម្ពុជា និងថៃ មាន ៤ពាន់លានដុល្លារ បើយកត្រឹម៣ភាគរយ នៃពាណិជ្ជកម្មជាមួយ ក៏មានទុន៣០០លានដុល្លារ សម្រាប់គាំទ្រការផលិតក្នុងស្រុក។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការគាំទ្រផលិតផលជាតិ មិនមែនត្រឹមតែជាការបង្ហាញនូវស្មារតីស្នេហាជាតិប៉ុណ្ណោះទេ ប៉ុន្តែជាការបង្កើតឱ្យមានឱកាសទីផ្សារដំបូង និង ការជំរុញលើកទឹកចិត្តដល់ផលិតករក្នុងស្រុក ឱ្យសម្រេចបោះទុនវិនិយោគ, ខិតខំផលិតឱ្យបានច្រើន និងពុះពារឈរជើងលើទីផ្សារពោរពេញទៅដោយការប្រកួតប្រជែង។
* CoolApp មានមុខងារជាច្រើនរួមមាន Chat Call Channel Reel ដោយប្រើប្រាស់តាមស្តង់ដារអន្តរជាតិ ទិន្នន័យស្ថិតក្នុងលក្ខណៈ Encryption ! បណ្តាញទំនាក់ទំនងសង្គម CoolApp ជាមោទនភាពរបស់ជាតិយើង និងប្រើប្រាស់ក្នុងដែនសុវត្ថិភាពរបស់ខ្មែរ

តម្លៃមាសស្ទុះឡើងដល់កម្រិតខ្ពស់បំផុតមិនធ្លាប់មាន ដោយភាពមិនច្បាស់លាស់នៃស្ថានភាពពិភពលោក និងការធ្លាក់ចុះប្រាក់ដុល្លារ (Video inside)

03-09-2025 16:49

(ភ្នំពេញ)៖ អ្នកតាមដានទីផ្សារហាងឆេងមាស បានឱ្យដឹងថា ក្នុងរយៈពេល២សប្តាហ៍ចុងក្រោយនេះ តម្លៃហាងឆេងមាសបានហក់ឡើងយ៉ាងគំហុក ដោយស្ទុះឡើងជាង ៣០០ដុល្លារក្នុងមួយតម្លឹង។

លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន PP Link Securities បានប្រាប់បណ្តាញព័ត៌មាន Fresh News ថា មកដល់ថ្ងៃទី៣ ខែកញ្ញា ឆ្នាំ២០២៥នេះ តម្លៃហាងឆេងមាសនៅលើទីផ្សារអន្តរជាតិហក់ឡើងដល់តម្លៃ ៣ ៥៤៦ដុល្លារក្នុងមួយអោន ឬស្មើនឹង ៤ ២៧២ដុល្លារ ក្នុងមួយតម្លឹងនៅក្នុងទីផ្សារកម្ពុជា ដែលជាតម្លៃខ្ពស់បំផុតមិនធ្លាប់មានកាលពីមុន។

លោកបានគូសបញ្ជាក់ថា កាលពីព្រឹកថ្ងៃទី២ ខែកញ្ញា តម្លៃហាងឆេងមាសអន្តរជាតិជួញដូរក្នុងតម្លៃ ៣ ៣០៨ ក្នុងមួយអោន ហើយនៅពេលយប់បានហក់ឡើងបន្ថែមទៀត ដល់តម្លៃ៣ ៥៣៩ដុល្លារក្នុងមួយអោន ឬស្មើនឹង៤ ២៦៣ និងបានហក់កើនឡើងថែមទៀត នៅព្រឹកថ្ងៃទី៣ ខែកញ្ញានេះដល់តម្លៃ ៣ ៥៤៦ដុល្លារក្នុងមួយអោន ឬស្មើនឹង ៤ ២៧២ដុល្លារ។

លោកបានកត់សម្គាល់ថា កត្តា ៣ដែលជំរុញឱ្យតម្លៃមាសហក់ឡើងខ្ពស់ដល់កម្រិតនេះ។ តក្តាចម្បងគឺ ការប្រកាសកាត់បន្ថយអត្រាការប្រាក់របស់លោក Jerome Powell ប្រធានធនាគារកណ្តាលសហរដ្ឋអាមេរិក ដោយកាត់ពី ០.២៥% ទៅ០.៧៥%។ ទី២.ភាពមិនច្បាស់លាស់នៃស្ថានភាពពិភពលោក ទាំងកត្តាភូមិសាស្រ្តនយោបាយ និងសេដ្ឋកិច្ច ខណៈថ្មីៗនេះថែមទាំងមានការប៉ះទង្គិចគ្នារវាងប្រជាជន វ៉េណេស៊ុយអេឡា ជាមួយកងទ័ពអាមេរិក ដែលកត្តានេះអាចនឹងជះឥទ្ធិពល ដល់ការវិនិយោគនៅវ៉េណេស៊ុយអេឡា និងសហរដ្ឋអាមេរិក ស្របពេលតម្រូវការមាសកើនឡើង។ ទី៣. គឺបញ្ហាការងារនៅសហរដ្ឋអាមេរិក ដែលជំរុញឱ្យប្រាក់ដុល្លារចុះថោក និងសេដ្ឋកិច្ចអាមេរិកធ្លាក់ចុះ។

លោកបានព្យាករណ៍ថា ទៅថ្ងៃខាងមុខទៀត តម្លៃហាងឆេងមាសក៏នឹងបន្តកើនឡើងថែម ប្រសិនបើនៅបន្តមានស្ថានភាពមិនច្បាស់លាស់ និងការកាត់បន្ថយអត្រាការប្រាក់ ដែលក្នុងឆ្នាំនេះ តម្លៃមាសអាចនឹងកើនឡើងដល់ ៣ ៥៧០ដុល្លារដល់ ៣ ៦៥០ដុល្លារ ក្នុងមួយអោន ឬប្រមាណជាង ៤ ៣៩៧ដុល្លារក្នុងមួយតម្លឹង៕