ក្រសួងពាណិជ្ជកម្ម៖ ចរន្តផ្គត់ផ្គង់ទំនិញនៅកម្ពុជា នៅតែរក្សាបានដដែល និងមិនឡើងថ្លៃ ទោះបីព្រំដែនកម្ពុជា-ថៃបានបិទ ខណៈទំនិញភាគច្រើន ត្រូវបានជំនួសដោយទំនិញក្នុងស្រុក (Video inside)
05-09-2025 12:06
(ភ្នំពេញ)៖ លោក ប៉ែន សុវិជាតិ រដ្ឋលេខាធិការ និងអ្នកនាំពាក្យក្រសួងពាណិជ្ជកម្ម បានលើកឡើងថា ចរន្តនៃការផ្គត់ផ្គង់ទំនិញ នៅក្នុងប្រទេសកម្ពុជា នៅតែរក្សាបានដដែល ដោយមិនមានការឡើងថ្លៃ បើទោះបីព្រំដែនកម្ពុជា-ថៃបានបិទ ខណៈទំនិញភាគច្រើន ត្រូវបានជំនួសដោយទំនិញក្នុងស្រុក។
ការលើកឡើងបែបនេះ ធ្វើឡើងក្នុងឱកាសដែល លោក ប៉ែន សុវិជាតិ អញ្ជើញចូលរួម ក្នុងកិច្ចពិភាក្សាលើប្រធានបទ៖ «ផលប្រយោជន៍សេដ្ឋកិច្ចនៃការដាក់ពន្ធថ្មី ១៩%របស់អាមេរិកមកលើកម្ពុជា» ក្នុងកម្មវិធី FRESH BUSINESS។
លោក ប៉ែន សុវិជាតិ បានបញ្ជាក់យ៉ាងដូច្នេះថា «ក្នុងមួយរយៈពេល ចាប់ពីការបិទព្រំដែន (កម្ពុជា-ថៃ) រហូតមកដល់សព្វថ្ងៃនេះ យើងសង្កេតឃើញថា ចរន្ដនៃទីផ្សារ និងចរន្ដនៃការផ្គត់ផ្គង់របស់យើងនៅដដែល [...] ទំនិញឧបភោគបរិភោគទូទៅ ត្រូវបានជំនួសដោយការផលិតនៅក្នុងស្រុក»៕
សូមស្តាប់ការលើកឡើងទាំងស្រុង របស់លោក ប៉ែន សុវិជាតិ៖
