(ភ្នំពេញ)៖ លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជា បានមានប្រសាសន៍ថា ស្របពេលដែលកម្ពុជា ប្រកាន់ភ្ជាប់នូវរបបទីផ្សារសេរី និងជាសមាជិកអង្គការពាណិជ្ជកម្មពិភពលោក កម្ពុជាមិនអាចទៅបិទការនាំចូលទំនិញរបស់ប្រទេសគេបាននោះទេ តែអ្វីដែលអ្នកផលិតនៅកម្ពុជាត្រូវធ្វើ គឺពង្រឹងសមត្ថភាពផលិតរបស់ខ្លួនឱ្យខ្លាំង ដើម្បីដណ្តើមចំណែកទីផ្សារ និងចំណាប់អារម្មណ៍អ្នកប្រើប្រាស់ក្នុងស្រុក។

លោកបានលើកឡើងថា ស្របពេលដែលពលរដ្ឋខ្មែរ កំពុងងាកមកគាំទ្រទំនិញក្នុងស្រុក អ្នកផលិតទាំងអស់ ជាពិសេស SME ត្រូវតែពង្រឹងគុណភាពនៃការផលិតរបស់ខ្លួនឱ្យបានកាន់តែល្អ។ នៅពេលដែលទំនិញក្នុងស្រុកមានគុណភាព មានតម្លៃសមរម្យ ពេលនោះទោះបីជាទំនិញពីប្រទេសណានាំចូលមកកម្ពុជាក៏ដោយ ក៏មិនអាចប្រកួតប្រជែងឈ្នះទំនិញកម្ពុជាបានដែរ។

តែយ៉ាងណា លោកចង់ឱ្យស្ថាប័នពាក់ព័ន្ធ ផ្តល់ការសម្រួលការនាំចូលវត្ថុធាតុដើម និងគ្រឿងបរិក្ខាផលិតឱ្យបានកាន់តែស្រួលជាងមុន និងកាត់បន្ថយនិតិវិធីស្មុគ្រស្មាញមួយចំនួន ដើម្បីលើកទឹកចិត្តឱ្យពួកគាត់មានលទ្ធភាពផលិតបានកាន់តែច្រើនជាងមុន។

លោក ជា ចាន់ដារ៉ា លើកឡើងដូចនេះធ្វើឡើង ក្នុងកម្មវិធី FRESH BUSINESS​ ​ពិភាក្សាលើប្រធានបទ៖ «ការ​អភិវឌ្ឍ​វិស័យ​​បញ្ជូន​ទំនិញ​​ និង​ការ​គ្រប់គ្រង​ខ្សែ​ច្រវាក់ផ្គត់ផ្គង់នៅ​កម្ពុជា»៖

សូមស្តាប់ការពន្យល់បន្ថែមរបស់ លោក ជា ចាន់ដារ៉ា៖ ​