(ភ្នំពេញ)​៖ ឧកញ៉ា សៀត មុំសុភា អនុប្រធានសមាគមទេសចរណ៍កម្ពុជា បានថ្លែងឲ្យដឹងថា ក្នុងនាមជាភ្នាក់ងារទេសចរណ៍កម្ពុជា យើងចង់ឲ្យមានការជំរុញការផ្សព្វផ្សាយគោលដៅទេសចរណ៍ តាមរយៈឌីជីថល និង AI ដើម្បីបង្កើនការទាក់ទាញភ្ញៀវទេសចរ ឱ្យកាន់តែមានប្រសិទ្ធភាព ព្រោះថាបច្ចុប្បន្ននេះ ការធ្វើវីដេអូតាមរយៈ AI និងឌីជីថល ពិតជាមានកំពុងមានការប្រើប្រាស់ច្រើន និងទាក់ទាញជាខ្លាំង។

ឧកញ៉ា សៀត មុំសុភា បានថ្លែងឲ្យដឹងថា សម័យកាលបច្ចុប្បន្ននេះ ជាសម័យកាលដែលប្រទេសមួយអាចដើរទៅបាន គេស្គាល់បាន គឺតាមរយៈការផ្សព្វផ្សាយ ធ្វើយ៉ាងណាឲ្យដល់គោលដៅ។ សម័យកាលនេះជាសម័យកាលឌីជីថល ដូច្នេះការផ្សព្វផ្សាយផ្សេងៗ គឺប្រើប្រាស់តាមប្រព័ន្ធឌីជីថល។

ឧកញ៉ាបានបន្ដថា​ ចំពោះវិស័យឯកជនយើងនេះ មានការផ្លាស់ប្ដូរប្រែប្រួលជាច្រើន ដើម្បីដើរឲ្យទាន់សម័យកាលក្នុងការធ្វើទីផ្សារ ដែលផ្សផ្សាយបែបទំនើបតាមរយៈឌីជីថល និងឈានឆ្ពោះដល់ការប្រើប្រាស់ AI (បច្ចេកវិទ្យានិមិត) ដើម្បីផ្សព្វផ្សាយខណៈការផ្សព្វផ្សាយខ្លះ មនុស្សមិនអាចធ្វើបាន ប៉ុន្ដែ AI អាចធ្វើបាន។ ចំពោះការផ្សព្វផ្សាយនេះនេះ គឺផ្សព្វផ្សាយពីគេស្គាល់ពីក្រុមហ៊ុ​ន ឬផលិតផលថ្មីៗរបស់។

ឧកញ៉ា សៀត មុំសុភា បានបញ្ជាក់ថា ចំពោះការជំរុញការផ្សព្វផ្សាយគោលដៅទេសចរណ៍ សមាគមទេសចរណ៍កម្ពុជាបានជ្រើសរើស ការផ្សព្វផ្សាយតាមបែបឌីជថលជាច្រើន ដោយប្រើប្រាស់តាមបណ្ដាញសង្គមច្រើនដូចជា Facebooks, Instagram, TikTok ជាដើម ដើម្បីផ្សព្វផ្សាយទៅកាន់ពិភពលោក។

សូមស្ដាប់ការលើកឡើងរបស់ឧកញ៉ា សៀត មុំសុភា៖