អ្នកជំនាញក្នុងវិស័យធនាគារ៖ ការផ្សព្វផ្សាយអប់រំ ចំណេះដឹងហិរញ្ញវត្ថុ ជូនប្រជាពលរដ្ឋ មានសារៈសំខាន់ណាស់ ដើម្បីកុំឱ្យពួកគាត់ក្លាយជាជនរងគ្រោះ (Video inside)
29-11-2025 12:03
(ភ្នំពេញ)៖ លោក កុក ថា អគ្គនាយកគ្រឹះស្ថាន អេហ្វអេចអេហ្វ ឃែភីថល ម.ក បានលើកឡើងថា ការផ្សព្វផ្សាយអប់រំ អំពីចំណេះដឹងហិរញ្ញវត្ថុ ជូនប្រជាពលរដ្ឋ មានសារៈសំខាន់ណាស់ ដើម្បីកុំឱ្យពួកគាត់ក្លាយជាជនរងគ្រោះ។
ការលើកឡើងបែបនេះ ធ្វើឡើងក្នុងឱកាសដែល លោក កុក ថា អញ្ជើញចូលរួម ជជែកពីសន្តិសុខសាយប័រ លើប្រធានបទ៖ «ឥទ្ធិពលអាក្រក់នៃការលក់ គណនីធនាគារនៅកម្ពុជា» ក្នុងកម្មវិធី CYBER SECURITY។
លោក កុក ថា បានបញ្ជាក់យ៉ាងដូច្នេះថា «ដើម្បីឱ្យប្រជាពលរដ្ឋយល់ដឹងកាន់តែច្រើន និងចៀសផុតពីការឆបោកផ្សេងៗ ការផ្សព្វផ្សាយអប់រំ គឺជារឿងសំខាន់ ហើយខ្ញុំឃើញថា សមាគមធនាគារនៅកម្ពុជា, សមាគមមីក្រូហិរញ្ញវត្ថុកម្ពុជា ក៏ដូចជាធនាគារជាតិនៃកម្ពុជា ខិតខំប្រឹងធ្វើយ៉ាងម្ដេច ក្នុងការផ្សព្វផ្សាយចំណេះដឹងហិរញ្ញវត្ថុ ហើយធ្វើការពន្យល់បន្ថែម»៕
សូមស្តាប់ការលើកឡើងរបស់លោក កុក ថា៖
