(ភ្នំពេញ)៖ លោក កុក ថា អគ្គនាយកគ្រឹះស្ថាន អេហ្វអេចអេហ្វ ឃែភីថល ម.ក បានថ្លែងឲ្យដឹងថា ក្នុងករណីដែលប្រជាពលរដ្ឋបានលក់ ជួល ឬឱ្យគណនីធនាគាររបស់ខ្លួនទៅគេខ្ចី ឬក្នុងករណីចោរឆក់ទូរស័ព្ទដែលមានភ្ជាប់គណនី សូមមេត្តាប្រញាប់ទាក់ទងទៅបិទគណនីជាបន្ទាន់។

ការលើកឡើងរបស់លោក កុក ថា ធ្វើឡើងក្នុងកម្មវិធី CYBER SECURITY: ជជែកពីសន្តិសុខសាយប័រ លើប្រធានបទ៖ «ឥទ្ធិពល​អាក្រក់នៃ​ការ​លក់ គ​ណនីធនាគារ​នៅ​កម្ពុជា»។

លោក បានថ្លែងឲ្យដឹងថា ក្នុងករណីប្រជាពលរដ្ឋបានលក់ ជួល ឬឱ្យគណនីធនាគាររបស់ខ្លួនទៅគេខ្ចី ប្រញាប់ទាក់ទងបិទគណនីជាបន្ទាន់ តាមរយៈការខលទៅខាងធនាគារ ប្រាប់អំពីព័ត៌មានលម្អិត ដើម្បីឲ្យធនាគារបិទគណនីជាបន្ទាន់។ ចំពោះករណីលក់កុងឲ្យគេ នឹងមានស៊ីមកាតជាប់ជាមួយ ដូច្នេះអ្នកលក់គណនីនេះ ត្រូវទាក់ទងទៅក្រុមហ៊ុនទូរស័ព្ទ ដើម្បីបិទលេខនេះចោល។

លោកបានបន្ដថា កត្តាសំខាន់មួយទៀតនោះ គឺត្រូវស្វះស្វែងរកអាជ្ញាធរមូលដ្ឋាន ក្នុងភូមិឃុំរបស់ខ្លួន ដើម្បីជូនដំណឹង រក្សាការពារ កណីមានបញ្ហាណាមួយកើតឡើងជាយកថាហេតុ៕

សូមស្តាប់ការលើកឡើងរបស់លោក កុក ថា៖