(ភ្នំពេញ)៖ ​លោកស្រីបណ្ឌិត ព្រុំ ទេវី អ្នកជំនាញវិទ្យាសាស្រ្តសេដ្ឋកិច្ច បានលើកឡើងថា មូលដ្ឋានដ៏សំខាន់ក្នុងការជំរុញការអភិវឌ្ឍន៍សេដ្ឋកិច្ចប្រកបដោយនិរន្តរភាព គឺជំរុញការកសាងធនធានមនុស្ស ជាពិសេសការបណ្តុះបណ្តាលជំនាញវិជ្ជាជីវៈ ​ដល់កម្លាំងពលកម្ម​កម្ពុជា។

លោកស្រីមានប្រសាសន៍ថា កម្ពុជាមានទាំងធនធានធម្មជាតិ ហើយអាកាសធាតុក៏អំណោយផល ប៉ុន្តែអ្វីដែលខ្លះគឺកម្មករដែលមានជំនាញ។ ដូច្នេះហើយ លោកស្រី លើកទឹកចិត្តដល់យុវជនកម្ពុជា ចាប់ជំនាញវិជ្ជាជីវៈ ឱ្យមានតុល្យភាពជាមួយនឹការសិក្សាជំនាញផ្សេងៗ ដូចច្បាប់ជាដើម។ ជាមួយគ្នានេះ លោកស្រី ជំរុញឱ្យក្រុមហ៊ុនដែលចូលមកវិនិយោគ ត្រូវរើសអ្នកដែលគ្មានជំនាញ ហើយបណ្តុះបណ្តាលជំនាញដល់ពួកគេ ដូច្នេះពួកគេ នឹងមានទាំងការងារធ្វើផង និងជំនាញផង។

​លោកស្រីបណ្ឌិត ព្រុំ ទេវី លើកឡើងបែបនេះ ធ្វើឡើងក្នុងកម្មវិធី FRESH BUSINESS​ ពិភាក្សាលើប្រធានបទ៖ «ស្មារតីជាតិ​យក​ការ​ឈឺចាប់ ជំរុញ​ភាពខ្លាំង​លើ​ការ​អភិវឌ្ឍ​សេដ្ឋកិច្ច​កម្ពុជា»។

សូមស្តាប់ប្រសាសន៍ទាំងស្រុងរបស់ ​លោកស្រីបណ្ឌិត ព្រុំ ទេវី ៖