(ភ្នំពេញ)៖ លោកឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា បានលើកឡើងថា ការនាំចេញអង្ករទៅចិនកើនឡើង១០០% ក្នុងបរិមាណជាង២៣ម៉ឺនតោន បើធៀបនឹងរយៈពេលដូចគ្នា នៅក្នុងឆ្នាំ២០២៤ ប្រមាណ១១ម៉ឺនតោនប៉ុណ្ណោះ ខណៈទីផ្សារផ្សេងៗ ក៏មានកំណើនគួរឱ្យកត់សម្គាល់។

ការលើកឡើងបែបនេះ ធ្វើឡើងក្នុងឱកាសដែល លោកឧកញ៉ា ឡាយ ឈុនហួ អញ្ជើញចូលរួមក្នុងកិច្ចពិភាក្សាមួយ ក្រោមប្រធានបទ ស្តីពី «ផលប្រយោជន៍​នៃ​លទ្ធផល​នាំ​ចេញ​អង្ករ​១លាន​តោន​របស់​កម្ពុជា» ក្នុងកម្មវិធី Fresh Business។

លោកឧកញ៉ា ឡាយ ឈុនហួ បានបញ្ជាក់យ៉ាងដូច្នេះថា «កំណើនដែលគួរឲ្យកត់សម្គាល់ នៅក្នុងឆ្នាំ២០២៥ ចំពោះទីផ្សារដ៏ធំមួយរបស់កម្ពុជា គឺទីផ្សារចិន មានការកើនឡើងប្រហែល ជា១០០ភាគរយ ធៀបនៅក្នុងឆ្នាំ២០២៤ នាំចេញទៅចិន ប្រមាណ១១ម៉ឺនតោន ខណៈឆ្នាំ២០២៥ នាំចេញ២៣ម៉ឺនតោន ស្របពេលទីផ្សារអ៊ឺរ៉ុប ក៏មានការកើនឡើងផងដែរ»៕

សូមស្តាប់ការលើកឡើងរបស់លោកឧកញ៉ា ឡាយ ឈុនហួ៖