ប្រធានសហព័ន្ធស្រូវអង្ករកម្ពុជាថា កំណើននៃការនាំចេញអង្ករ បានផ្តល់ផលប្រយោជន៍យ៉ាងខ្លាំងដល់កសិករ និងវិស័យពាក់ព័ន្ធ (Video inside)
23-01-2026 12:06
(ភ្នំពេញ)៖ លោកឧកញ៉ា ឡាយ ឈុនហួ ប្រធានសហព័ន្ធស្រូវអង្ករកម្ពុជា បានគូសបញ្ជាក់ថា កំណើននៃការនាំចេញអង្ករ បានផ្តល់ផលប្រយោជន៍យ៉ាងខ្លាំងដល់កសិករ និងវិស័យពាក់ព័ន្ធ ដែលរួមមាន៖ រោងម៉ាស៊ីនកិនស្រូវ, អ្នកនាំចេញ, ក្រុមហ៊ុនដឹកជញ្ជូន, វិស័យធនាគារ និងផ្សេងៗទៀត។
ការគូសបញ្ជាក់បែបនេះ ធ្វើឡើងក្នុងឱកាសដែល លោកឧកញ៉ា ឡាយ ឈុនហួ អញ្ជើញចូលរួមក្នុងកិច្ចពិភាក្សាមួយ ក្រោមប្រធានបទ ស្តីពី «ផលប្រយោជន៍នៃលទ្ធផលនាំចេញអង្ករ១លានតោនរបស់កម្ពុជា» ក្នុងកម្មវិធី Fresh Business។
លោកឧកញ៉ា ឡាយ ឈុនហួ បានបញ្ជាក់យ៉ាងដូច្នេះថា «ការសម្រេចនូវការនាំចេញ ឲ្យបាន១លានតោន គឺពិតជាមានសារសំខាន់ណាស់ សម្រាប់ប្រជាកសិកររបស់យើង ដែលមានន័យថា គាត់មានទីផ្សារបន្ថែមទៀត សម្រាប់ផលិតកម្មស្រូវ ដែលបានផលិត ហើយវាក៏ផ្ដល់សារៈប្រយោជន៍សំខាន់ច្រើន សម្រាប់វិស័យដែលពាក់ព័ន្ធទាំងអស់»។
បើតាមប្រធានសហព័ន្ធស្រូវអង្ករកម្ពុជា, នៅក្នុងឆ្នាំ២០២៥ កម្ពុជាបានធ្វើការនាំចេញអង្ករ មានការកើនឡើងខ្ពស់ ដោយចាប់ពី៦៥ម៉ឺនតោន រហូតដល់ជាង៩៤ម៉ឺនតោន នៅក្នុងឆ្នាំ២០២៥ ដែលមានកើនឡើងប្រហែលជា ៤៦%៕
សូមស្តាប់ការលើកឡើងរបស់លោកឧកញ៉ា ឡាយ ឈុនហួ៖
