(ភ្នំពេញ)៖ លោក សួន សុផល អគ្គលេខាធិការរងគណៈកម្មាធិការវិនិយោគកម្ពុជា និងអនុប្រធានអ្នកនាំពាក្យក្រុមប្រឹក្សាអភិវឌ្ឍន៍កម្ពុជា (CDC) បានលើកឡើងថា ​តាមរយៈគម្រូនៃការធ្វើការរួមគ្នាជាមួយជប៉ុន ដែលជំរុញឱ្យបរិកាសវិនិយោគកាន់តែប្រសើរឡើង កម្ពុជាចង់យកគម្រូនេះ ក្នុងការអនុវត្តជាមួយបណ្តាវិនិយោគិនបរទេសផ្សេងទៀតផងដែរ ដើម្បី​ជំរុញការទាក់ទាញវិនិយោគបរទេស។

លោកបានពន្យល់ថា កាលពីឆ្នាំ២០០៧ ប្រមុខរាជរដ្ឋាភិបាលកម្ពុជា ​សម្តេចតេជោ ហ៊ុន សែន និង ស៊ីនហ្សូ អាបេ ​អតីតនាយករដ្ឋមន្ត្រី​ជប៉ុន បានចុះហត្ថលេខា លើកិច្ចព្រមព្រៀងកម្ពុជា-ជប៉ុន ស្តីពីកិច្ចការពារវិនិយោគិនកម្ពុជា-ជប៉ុន ដែលជាកិច្ចព្រមព្រៀងទី១ ដើម្បីឱ្យប្រទេសទាំងពីរធ្វើការរួមគ្នា ​បង្កើតនូវយន្តការពិគ្រោះយោបល់ និងបានបង្កើតជា «តុជប៉ុន»មួយ ដើម្បីជួយដោះស្រាយបញ្ហារបស់អ្នកវិនិយោគបានភ្លាមៗ។ ដូច្នេះហើយ កម្ពុជាចង់យកយន្តការនេះជាគម្រូ ក្នុងការអនុវត្តជាមួយបណ្តាវិនិយោគិនបរទសផ្សេង។

លោកបានបន្តថា បន្ទាប់ពីអនុវត្តយន្តការនេះជាមួយជប៉ុន កម្ពុជាបានបន្តបង្កើត «តុកូរ៉េ» «តុអឺរ៉ុប» ​ធ្វើយ៉ាង​បង្កើតជាថ្នាលមួយ ដែលផ្តល់ភាពងាយស្រួលដល់អ្នកវិនិយោគ មករកជំនួយនៅពេលជួបបញ្ហា​ ដែលធ្វើឱ្យបញ្ហាកាន់តែត្រជាក់ទៅៗ និងមិនពិបាកក្នុងការដោះស្រាយ។

លោកបានលើកឡើង ការអនុវត្តនូវយន្តការកិច្ចសម្រួលពាណិជ្ជកម្មផ្សេង ជាពិសេសយន្តការ «Aafter care» ជាមួយវិនិយោគិន គឺមានតែកម្ពុជាមួយប៉ុណ្ណោះ។

លោក សួន សុផល លើកឡើងបែបនេះ ធ្វើឡើង ក្នុងកម្មវិធី FRESH BUSINESS​ ពិភាក្សាលើប្រធានបទ៖ «តើវិនិយោគចិនមានសារសំខាន់បែបណា ចំពោះការ​អភិវឌ្ឍ​វិស័យឧស្សាហកម្ម​​កម្ពុជា?​

សូមស្តាប់ការពន្យល់លម្អិតរបស់ លោក សួន សុផល៖