(ភ្នំពេញ)៖ លោក សួន សុផល អគ្គលេខាធិការរងគណៈកម្មាធិការវិនិយោគកម្ពុជា និងជាអនុប្រធាន អ្នកនាំពាក្យក្រុមប្រឹក្សាអភិវឌ្ឍន៍កម្ពុជា (CDC) បានលើកឡើងថា ការហូរចូលនៃវិនិយោគិនចិន មិនមែនជារឿងដែលត្រូវបារម្ភថា គេមកដណ្តើមការងារនោះទេ តែជាឱកាសដែលត្រូវរៀនពីពួកគេ។

ការលើកឡើងបែបនេះ ធ្វើឡើងក្នុងឱកាសដែល លោក សួន សុផល អញ្ជើញចូលរួមក្នុងកិច្ចពិភាក្សាលើប្រធានបទ៖ «តើវិនិយោគចិនមានសារសំខាន់បែបណា ចំពោះការ​អភិវឌ្ឍ​វិស័យឧស្សាហកម្ម​​កម្ពុជា?​ ក្នុងកម្មវិធី FRESH BUSINESS»។

លោក សួន សុផល បានបញ្ជាក់យ៉ាងដូច្នេះថា «វត្ដមានចិននៅកម្ពុជា មិនមែនជាការព្រួយបារម្ភ សម្រាប់ការវិនិយោគ វាគឺជាការងារមួយ ដែលយើងត្រូវការដៃគូ ព្រោះនៅក្នុងការវិនិយោគ អ្វីដែលសំខាន់ជាងគេ គឺដៃគូ [...] ការបារម្ភខ្ញុំគិតថា ជាឱកាសទៅវិញទេ ដែលប្រជាជនកម្ពុជា អាចយកឱកាសនេះ រៀនសូត្រពីអ្នកវិនិយោគចិន»៕

សូមស្តាប់ការលើកឡើងរបស់លោក សួន សុផល៖