(ភ្នំពេញ)៖ លោក ធួន ស៊ីណាន ប្រធានសមាគមទេសចរណ៍អាស៊ី បាស៊ីហ្វិក (PATA) បានលើកឡើងថា បន្ថែមពីការផ្សព្វផ្សាយ អគ្គរាជទូត និងអគ្គកុងស៊ុល នៅចិន គួរតែបន្តកិច្ចការជាច្រើនទៀត ដើម្បីបង្កើនទំនាក់ទំនងកាទូត​ជាមួយចិន ទាំង​រដ្ឋ ប្រជាជនចិន និងវិស័យឯកជន តាមរយៈការបង្កើតកម្មវិធីជាច្រើន ដើម្បីបង្ហាញពីសក្តានុពល និងភាពសុខសាន្តនៅកម្ពុជាទៅកាន់ពួកគេ ដើម្បីលើកទឹកចិត្ត និងទាក់ទាញទេសចរចិនមកកម្សាន្តនៅកម្ពុជា។

​លោកបានលើកឡើងថា ដោយសារបញ្ហាឧក្រិដ្ឋកម្មតាមអនឡាញ កេរ្តិ៍ឈ្មោះកម្ពុជាហាក់មិនល្អនោះទេក្នុងកែវភ្នែករបស់ពួកគេ ដូច្នេះ ការផ្សព្វផ្សាយ​លុបបំបាត់នូវរឿងដែលគេ​យល់ច្រលំហើយវាយប្រហារកម្ពុជា គឺជារឿងដែលចាំបាច់ដែលកម្ពុជាត្រូវធ្វើ​។ ហើយករណីមិនមែនរដ្ឋាភិបាលធ្វើតែម្នាក់ឯងទេ យើងជាប្រជាពលរដ្ឋទាំងអស់ ត្រូវតែរួមគ្នាផ្សព្វផ្សាយឱ្យបានច្រើនតាមដែលអាចធ្វើទៅបាន។

លោក ធួន ស៊ីណាន លើកឡើងបែបនេះ ធ្វើឡើងនៅក្នុងកម្មវិធី FRESH BUSINESS​ ពិភាក្សាលើប្រធានបទ៖ «ការបង្កើនទំនាក់ទំនងល្អរវាងរដ្ឋ និងរដ្ឋ ដើម្បីទាក់ទាញភ្ញៀវទេសចរចិនមកកម្ពុជា»៕

សូមស្តាប់ប្រសាសន៍របស់ លោក ធួន ស៊ីណាន៖