(ភ្នំពេញ)៖ លោកសាស្ត្រាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានគណៈកម្មាធិការផ្តល់យោបល់ លើគោលនយោបាយ ពាណិជ្ជកម្ម បានលើកឡើងថា បញ្ហាកូវីដ១៩ និងជម្លោះព្រំដែនកម្ពុជា-ថៃ បានដាស់អ្នកជំនួញក្នុងស្រុក ឱ្យប្រឹងផលិត​ជំនួសការនាំចូល។

ការលើកឡើងបែបនេះ ធ្វើឡើងក្នុងឱកាសដែលលោកអញ្ជើញចូលរួមកិច្ចពិភាក្សាមួយ ក្រោមប្រធានបទ ស្តីពី «តើ​ក្រោម​ច្បាប់ WTO កម្ពុជា​មាន​ឱកាស​អ្វីខ្លះ សម្រាប់ពង្រីក​ពាណិជ្ជកម្មជាមួយ​ពិភពលោក?» ក្នុងកម្មវិធី Fresh Business។

លោក សុក ស៊ីផាន់ណា បានបញ្ជាក់យ៉ាងដូច្នេះថា «ពេលដែលកូវីដ-១៩មកដល់ និងបញ្ហាព្រំដែនកម្ពុជា-ថៃ បានបង្កើតចលនាមួយ ដោយខ្មែរយើង ចាប់ផ្ដើមផលិត ចាប់ផ្ដើមកែច្នៃ គ្រាន់តែមានភាពយឺតបន្ដិច ដោយសារពីមុនមិនទាន់មានបញ្ហា យើងមិនសូវខ្វល់ និងមិនមានការចាប់អារម្មណ៍ ក្នុងការផលិតក្នុងស្រុក»៕

សូមស្តាប់ការលើកឡើងទាំងស្រុងរបស់លោក សុក ស៊ីផាន់ណា៖