(ភ្នំពេញ)៖ លោកសាស្រ្តាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានគណៈកម្មាធិការ ផ្តល់យោបល់លើគោលនយោបាយ ពាណិជ្ជកម្ម (គ.ផ.គ.ព.) បានគូសបញ្ជាក់ថា ការចូលជាសមាជិកអង្គការពាណិជ្ជកម្មពិភពលោក (WTO) បានធ្វើឱ្យកម្ពុជាបើកទីផ្សារថ្មីៗបានយ៉ាងច្រើន ហើយនៅពេលខាងមុខ ពេលដែលកម្ពុជាចូលជាសមាជិកកិច្ចព្រមព្រៀងគ្រប់ជ្រុងជ្រោយ និងវឌ្ឍនភាពសម្រាប់ភាពជាដៃគូអន្តរប៉ាស៊ីហ្វិក (CPTPP) រំពឹងថា​នឹងអាចបើកទីផ្សារសម្រាប់ផលិតផល​​ឱ្យកាន់តែធំទូលាយបន្ថែមទៀត។

លោកបានលើកឡើងថា ស្របតាមអនុសាសន៍របស់សម្តេចនាយករដ្ឋមន្រ្តី ហ៊ុន ម៉ាណែត កម្ពុជាកំពុងតែចរចាចូលជាសមាជិកកិច្ចព្រមព្រៀងនេះ។ តាមរយៈកិច្ចព្រមព្រៀងនេះ កម្ពុជានឹងមានលទ្ធភាពចាប់យកទីផ្សារមួយចំនួនទៀតនៅតំបន់អាមេរិកឡាទីន ដូចជាកាណាដា ម៉ិចស៊ិចកូ ឈីលី និងប៉េរ៉ូជាដើម។ ​

លោកសាស្រ្តាចារ្យបណ្ឌិតសភាចារ្យ សុក ស៊ីផាន់ណា ថ្លែងបែបនេះ ធ្វើឡើងក្នុងកម្មវិធី FRESH BUSINESS​ ពិភាក្សាលើប្រធានបទ៖ «តើ​ក្រោម​ច្បាប់ WTO កម្ពុជា​មាន​ឱកាស​អ្វីខ្លះ សម្រាប់ពង្រីក​ពាណិជ្ជកម្មជាមួយ​ពិភពលោក?»៕

សូមស្តាប់ការលើកឡើងរបស់លោកសាស្រ្តាចារ្យបណ្ឌិតសភាចារ្យ សុក ស៊ីផាន់ណា៖