អ្នកជំនាញ៖ បើទោះជារដ្ឋាភិបាលផ្តល់ការលើកទឹកចិត្តផ្នែកពន្ធគយទៅដល់ SME ក្នុងការនាំចូលគ្រឿងចក្របរិក្ខារបម្រើដល់ផលិតកម្មក៏ដោយ ប៉ុន្តែមានសហគ្រាសតែ ២ប៉ុណ្ណោះទៅទទួលយកការផ្តល់ជូននេះ (Video inside)
03-04-2026 15:44
(ភ្នំពេញ)៖ ឧកញ៉ាបណ្ឌិត ស៊ិន ចន្ធី អគ្គនាយក ក្រុមហ៊ុន ឡាញហល អេចប្រេស និងជាអ្នកជំនាញក្នុងវិស័យដឹកជញ្ជូន បានបង្ហាញការភ្ញាក់ផ្អើល ដែលមកទល់បច្ចុប្បន្ននេះ មានតែសហគ្រាស២ប៉ុណ្ណោះ ក្នុងចំណោមសហគ្រាស ខ្នាតតូច និងមធ្យមជាង ៤៤០០០សហគ្រាស ដែលបានស្នើសុំបែបបទ ទទួលយកការលើកទឹកចិត្តផ្នែកពន្ធគយ ដែលរដ្ឋាភិបាលបានឱ្យផ្តល់ឱ្យ។
លោកបានពន្យល់ថា រដ្ឋាភិបាលបានគាំទ្រ និងផ្តល់ការលើកទឹកចិត្តជាច្រើនដល់ SME ក្នុងនោះមើលទៅលើអនុក្រឹត្យលេខ៥០ របស់រាជរដ្ឋាភិបាល ស្តីពីការលើកទឹកចិត្តផ្នែកគយទៅដល់SME ជាពិសេសការនាំចូលគ្រឿងចក្រ និងបរិក្ខាបម្រើដល់ផលិតកម្ម ប៉ុន្តែសហគ្រាស ដែលបានស្នើសុំបែបបទ ទទួលយកការលើកទឹកចិត្តផ្នែកពន្ធគយ ដែលរដ្ឋាភិបាលបានឱ្យផ្តល់ឱ្យនេះ នៅមានចំនួនតិចមិនគួរឱ្យជឿ។
លោកថា ករណីនេះអាចមកពីការផ្សព្វផ្សាយមិនបានទូលំទូលាយ។ តែយ៉ាងណា លោកលើកទឹកចិត្តឱ្យម្ចាស់ SME គួរតែទៅស្នើសុំ ទទួលយកការលើកទឹកចិត្តនេះ ដើម្បីជំរុញឱ្យផលិតកម្មរបស់ខ្លួនកាន់តែប្រសើរឡើង។
ឧកញ៉ាបណ្ឌិត ស៊ិន ចន្ធី គូសបញ្ជាក់បែបនេះ ធ្វើឡើងក្នុងកម្មវិធី FRESH BUSINESS ពិភាក្សាលើប្រធានបទ៖ «សម្ពាធនៃការឡើងថ្លៃប្រេងឥន្ធនៈ លើវិស័យដឹកជញ្ជូនកម្ពុជា»៕
សូមស្តាប់ការពន្យល់លម្អិតរបស់ ឧកញ៉ាបណ្ឌិត ស៊ិន ចន្ធី ដូចតទៅ៖
