(ភ្នំពេញ)៖ ឧបនាយករដ្ឋមន្រ្តី សុខ ចិន្តាសោភា ថ្លែងថា បើទោះបីជាកម្ពុជា បានឆ្លងកាត់នូវវិបត្តិជាច្រើនលើកច្រើនសារ ប៉ុន្តែកម្ពុជានៅតែរក្សាបាននូវភាពធន់ ពោលគឺសេដ្ឋកិច្ចកម្ពុជានៅតែមានលំនឹង និងមានកំណើនគួរឱ្យកត់សម្គាល់។

ថ្លែងប្រាប់អ្នកសារព័ត៌មាន នៅថ្ងៃទី៩ ខែមេសា ឆ្នាំ២០២៦នេះ លោកបានកត់សម្គាល់ថា ក្នុងវិបត្តិសេដ្ឋកិច្ចឆ្នាំ២០០៨ មានប្រទេសជាច្រើនបានរងផលប៉ះពាល់សេដ្ឋកិច្ច ហើយក្រោយមកកើតមាន វិបត្តិកូវីដ១៩ បានប៉ះពាល់ដល់វិស័យយ៉ាងច្រើនជាពិសេសវិស័យទេសចរណ៍។ លើសពីនេះទៅទៀត ថ្មីៗនេះកម្ពុជាបានជួបវិបត្តិថ្មីបន្ថែមទៀត គឺជម្លោះព្រំដែនកម្ពុជា-ថៃ និងចុងក្រោយនេះ វិបត្តិសង្រ្គាមនៅមជ្ឈឹមបូព៌ា ដែលធ្វើឱ្យតម្លៃប្រេងឡើងថ្លៃ។ តែយ៉ាងណា សេដ្ឋកិច្ចកម្ពុជានៅតែមានភាពធន់។

លោកបញ្ជាក់ថា សូម្បីតែអ្នកជំនាញអន្តរជាតិ ក៏ទទួលស្គាល់នូវភាពធន់របស់កម្ពុជាផងដែរ ដោយសារតែសេដ្ឋកិច្ចនៅតែមានកំណើនល្អ ការនាំចេញបាននូវកំណើនគួរឱ្យកត់សម្គាល់។

ឧបនាយករដ្ឋមន្រ្តី សុខ ចិន្តាសោភា ថ្លែងប្រាប់អ្នកសារព័ត៌មានបែបនេះធ្វើឡើង វេទិកាពាណិជ្ជកម្មពហុភាគី ឆ្នាំ២០២៦ ក្រោមមូលបទ៖ «ការរៀបចំយុទ្ធសាស្រ្តឡើងវិញរបស់រដ្ឋតូច ក្នុងបរិបទការប្រែប្រួលនៃប្រព័ន្ធពាណិជ្ជកម្មសកល» ដែលរៀបចំឡើងជាលើកដំបូងនៅកម្ពុជា នាថ្ងៃទី៩ ខែមេសា ឆ្នាំ២០២៦នេះ៕

សូមស្តាប់ប្រសាសន៍បន្ថែមរបស់ ឧបនាយករដ្ឋមន្រ្តី សុខ ចិន្តាសោភា៖