(ភ្នំពេញ)៖ លោក រ័ត្ន​ សោភ័ណ ប្រធាន​សមាគមនធនាគារនៅកម្ពុជា (ABC) គូសបញ្ជាក់ថា បើទោះបីមានបញ្ហាមួយចំនួនក៏ដោយ ប៉ុន្តែវិស័យធនាគារ និងហិរញ្ញវត្ថុនៅកម្ពុជា នៅតែរក្សាភាពរឹងមាំ មានស្ថេរភាព និងមានទំនុកចិត្តពីប្រជាពលរដ្ឋ​ ដែលភាពរឹងមាំនេះ បានឆ្លុះបញ្ចាំងពីការយកចិត្តទុកដាក់ និងការដាក់ចេញនូវវិធានការប្រុងប្រយ័ត្ន របស់ធនាគារជាតិនៃកម្ពុជា​។

បន្ថែមពីស្ថាប័នធនាគារមួយចំនួនបានពង្រឹង និងពង្រីកខ្លួនជាបន្តបន្ទាប់ ទាំងផ្នែកហេដ្ឋារចនាសម្ព័ន្ធគាំទ្របច្ចេកវិទ្យាឌីជីថល និងធនធានមនុស្ស ជាពិសេសការយកចិត្តទុកខ្ពស់ទៅលើអនុលោមភាព គោពរនូវបទបញ្ញតិ ​ប្រកាស និងសាចរណ៍ណែនាំ ដែលចេញដោយធនាគារជាតិ។

លោក រ័ត្ន​ សោភ័ណ គូសបញ្ជាក់បែបនេះ ធ្វើឡើង ក្នុងកម្មវិធី FRESH BUSINESS​ ពិភាក្សាលើប្រធានបទ៖ «ស្ថានភាពវិស័យធនាគារនៅកម្ពុជា»។

សូមស្តាប់ការលើកឡើងទាំងស្រុងរបស់ ​លោក រ័ត្ន​ សោភ័ណ៖