ប្រធានសមាគមធនាគារ៖ អ្នកដាក់ប្រាក់បញ្ញើគួរមើលសុខភាពវិស័យធនាគារទាំងមូល ជាជាងមើលតែស្ថានភាពរបស់ធនាគារមួយ ឬពីរ ខណៈទ្រនាប់ដើមទុនរបស់គ្រឹះស្ថានធនាគារនៅកម្ពុជាខ្ពស់ជាង បណ្តាប្រទេសក្នុងតំបន់ (Video inside)
10-04-2026 17:17
(ភ្នំពេញ)៖ លោក រ័ត្ន សោភ័ណ ប្រធានសមាគមនធនាគារនៅកម្ពុជា(ABC) បានលើកឡើងថា ស្របពេលដែលអ្នកដាក់ប្រាក់បញ្ញើមួយចំនួនមានការបារម្ភពីសាច់ប្រាក់របស់ខ្លួន ដោយសារបញ្ហាដែលកើតឡើងនាពេលថ្មីៗនេះ តែអ្នកដាក់ប្រាក់បញ្ញើគួរមើលសុខភាពវិស័យធនាគារទាំងមូល ជាជាងមើលតែស្ថានភាពរបស់ធនាគារមួយ ឬពីរ។
លោកបានពន្យល់ថា ក្នុងការមើលពី សុខភាពវិស័យធនាគារទាំងមូល គឺត្រូវមើលទៅលើចំណុចមួយចំនួន រួមមានសន្ទនីយភាព (លំហូរសាច់ប្រាក់) គ្រប់គ្រាន់របស់ស្ថាប័ន ឬវិស័យទាំងមូល, អនុបាតសន្ទនីយភាពគ្រប់គ្រាន់ ឬ LCR, អនុបាតឥណទានធៀបទៅនឹងប្រាក់បញ្ញើ។
លោកបានគូសបញ្ជាក់ថា បច្ចុប្បន្ននេះ ធនាគារនៅកម្ពុជា មានភាពគ្រប់គ្រាន់នៃដើមទុន ឬទ្រនាប់ដើមទុនខ្ពស់ ដោយវិស័យទាំងមូលមានរហូតដល់២២% ខ្ពស់ជាងបណ្តាប្រទេសនានាក្នុងតំបន់ដែលមានត្រឹម ៩%, ១១% ឬ១៣% ប៉ុណ្ណោះ។
លោក រ័ត្ន សោភ័ណ គូសបញ្ជាក់បែបនេះ ធ្វើឡើង ក្នុងកម្មវិធី FRESH BUSINESS ពិភាក្សាលើប្រធានបទ៖ «ស្ថានភាពវិស័យធនាគារនៅកម្ពុជា»។
សូមស្តាប់ការលើកឡើងទាំងស្រុងរបស់លោក រ័ត្ន សោភ័ណ៖
