(ភ្នំពេញ)៖ លោក រ័ត្ន​ សោភ័ណ ប្រធាន​សមាគមនធនាគារនៅកម្ពុជា(ABC) បានឱ្យដឹងថា ក្នុងរយៈពេល៣០ឆ្នាំមកនេះ វិស័យធនាគារនៅកម្ពុជា គឺជាវិស័យមួយ ដែលបានទាក់ទាញលំហូរទុនវិនិយោគនៅកម្ពុជាច្រើនជាងគេ​ បើទោះបីជាកម្ពុជាតម្រូវឱ្យធនាគារ ដែលផ្តល់ប្រាក់កម្ចីមានទ្រនាប់ដើមទុន ឬភាពគ្រប់គ្រាន់នៃដើមទុនខ្ពស់ជាងប្រទេសផ្សេងទៀតក៏ដោយ។

លោកបានពន្យល់ថា ការណ៍ដែលវិនិយោគិនបរទេស ចាប់អារម្មណ៍មកបណ្តាក់ទុនវិនិយោគលើវិស័យនេះច្រើន ដោយសារ ការផ្តល់ប្រាក់កម្ចីមានអត្រាការខ្ពស់ ដែលធ្វើឱ្យពួកគេទទួលបានប្រាក់ចំណេញ។ តែយ៉ាងណាមិញ ប៉ុន្មានឆ្នាំចុងក្រោយនេះ អត្រាការត្រូវធ្លាក់ចុះដោយការប្រកួតប្រជែង ស្របពេលដែលវិស័យធនាគារ និងហិរញ្ញវត្ថុ ដល់ដំណាក់ចាស់ទុំ ដោយធនាគារភាគច្រើនចាប់ផ្តើមគិតពីគុណភាព ​ប្រសិទ្ធភាព និងនិរន្តភាពនៃប្រតិបត្តិការ​ និងការផ្តល់សេវាកម្ម។

​លោក រ័ត្ន​ សោភ័ណ គូសបញ្ជាក់បែបនេះ ធ្វើឡើង ក្នុងកម្មវិធី FRESH BUSINESS​ ពិភាក្សាលើប្រធានបទ៖ «ស្ថានភាពវិស័យធនាគារនៅកម្ពុជា»។

សូមស្តាប់ការលើកឡើងទាំងស្រុងរបស់ ​លោក រ័ត្ន​ សោភ័ណ៖