(ភ្នំពេញ)៖ ឧកញ៉ា ​សុង សារ៉ន អគ្គនាយកក្រុមហ៊ុនអេមរុរាយស៍កម្ពុជា (Amru Rice) គូសបញ្ជាក់ថា ក្នុងពេលបច្ចុប្បន្ននេះ អាចជាឱកាសដ៏ល្អសម្រាប់ វិនិយោគិនបរទេសមកបណ្តាក់ទុនវិនិយោគនៅកម្ពុជា ដើម្បីផលិតជំនួសទំនិញនាំចូល និងឈានទៅនាំចេញទៅទីផ្សារផ្សេងៗទៀត ស្របពេលដែលពលរដ្ឋខ្មែរ ងាកមកគាំទ្រផលិតផលក្នុងស្រុក។

យ៉ាងណាមិញលោកទទួលស្គាល់ថា ដោយសារកម្ពុជាមានប្រជាជនតិច ទីផ្សារតូច ប៉ុន្តែវិនិយោគិន មិនគួរមើលតែទីផ្សារកម្ពុជានោះទេ ព្រោះកម្ពុជាក៏មានទីផ្សារផ្សេងទៀត ដូចជាអាស៊ាន អាមេរិក និងអឺរ៉ុប រួមនឹងទីផ្សារសំខាន់ៗផ្សេងទៀត។ វិនិយោគិនធំៗ គួរតែទៅមើល និងសិក្សាឱកាសវិនិយោគ នៅតំបន់សេដ្ឋកិច្ចពិសេស ដែលមានហេដ្ឋារចនាសម្ព័ន្ធគ្រប់គ្រាន់ និងទទួលបានការលើកទឹកចិត្តពិសេសពីរដ្ឋាភិបាល ​​ខណៈរដ្ឋាភិបាលបានយកចិត្តទុកដាក់ ក្នុងការអភិវឌ្ឍន៍ហេដ្ឋារចនាសម្ព័ន្ធផងដែរ។

ឧកញ៉ា ​សុង សារ៉ន លើកឡើងបែបនេះ ធ្វើឡើង ក្នុងកម្មវិធី FRESH BUSINESS​ ពិភាក្សាលើប្រធានបទ៖ «ការ​ដោះស្រាយ​បញ្ហា​​លើ​មូលដ្ឋានពង្រីក​ផលិតកម្ម​កម្ពុជា»៕

សូមស្តាប់ការលើកឡើងទាំងស្រុងរបស់ឧកញ៉ា ​សុង សារ៉ន៖