(ភ្នំពេញ)៖ លោក គី សុខគីម នាយកប្រតិបត្ដិមូលនិធិអភិវឌ្ឍន៍ជំនាញ (SDF) បានលើកឡើងថា ការផ្គត់​ផ្គង់កម្លាំងពលកម្ម ឱ្យត្រូវការជាមួយនឹងតម្រូវការទីផ្សារការងារ ជាក់ស្តែងបាន មិនមែនគិតតែលើបរិមាណទេ តែត្រូវគិតជាចម្បងទៅលើគុណភាព ដើម្បីបង្កើនផលិតភាពរបស់វិនិយោគិន។

ការលើកឡើងបែបនេះ ធ្វើឡើងក្នុងឱកាសដែល លោក គី សុខគីម អញ្ជើញចូលរួម ក្នុងកិច្ចពិភាក្សាលើប្រធានបទ៖ «ការពង្រឹងផលិតភាព កម្លាំងពលកម្មជំនាញនៅកម្ពុជា» ក្នុងកម្មវិធី FRESH BUSINESS។

លោក គី សុខគីម បានបញ្ជាក់យ៉ាងដូច្នេះថា «ដើម្បីឲ្យយើងអាចផ្គត់ផ្គង់កម្លាំងពលកម្មជំនាញ ត្រូវជាមួយនឹងតម្រូវការទីផ្សារជាក់ស្ដែងបាន គឺបរិមាណសំខាន់ ប៉ុន្ដែគុណភាពកាន់តែសំខាន់ ដែលត្រូវយកទៅដោះស្រាយជាមុន បើសិនជាមិនដូច្នេះទេ បង្កើនតែបរិមាណ តែគុណភាពអត់ត្រូវជាមួយតម្រូវការទីផ្សារ»៕

ខាងក្រោមនេះ ជាវីដេអូនៃការលើកឡើងទាំងស្រុង របស់លោក គី សុខគីម៖