(ភ្នំពេញ)៖ លោក គី សុខគីម នាយកប្រតិបត្ដិ នៃមូលនិធិអភិវឌ្ឍន៍ជំនាញ (SDF) បានគូសបញ្ជាក់ថារាប់ចាប់តាំងពី៦ឆ្នាំចុងក្រោយនេះ គិតត្រឹមខែមេសា ឆ្នាំ២០២៦ មូលនិធិអភិវឌ្ឍន៍ជំនាញបានផ្តល់ការគាំទ្រដល់ការបណ្តុះបណ្តាលនិយោជិតនៅតាមរោងចក្រសហគ្រាសជាង៩ម៉ឺននាក់​​ ដោយបានចំណាយថវិកាប្រមាណ៤៥លានដុល្លារ ក្នុងនោះSDFរួមចំណែក៥៥%។

លោកបានឱ្យដឹងថា ដោយសារថវិកាមានកំណត់ ការបណ្តុះបណ្តាលគឺផ្តោតទៅលើវិស័យអទិភាពទាំង៩ ដែលជួយគាំទ្រដល់ជន្ទល់កំណើនសេដ្ឋកិច្ចទាំងបច្ចុប្បន្ន និងទៅថ្ងៃអនាគត រួមមាន វិស័យផលិតកម្ម និងកម្មន្តសាល,ទេសចរណ៍,សំណង់,យានយន្ត,អេឡិចត្រូនិក,ថាមពលស្អាត, ឡូជីកស្ទីក និងដឹកជញ្ជូន,ឌីជីថល និងវិស័យរួមផ្សំក្នុងការជំរុញកំណើនសេដ្ឋកិច្ច។

លោកបន្ថែមថា ក្រៅពីការគាំទ្រដល់ការបណ្តុះបណ្តាល បុគ្គលិក កម្មករ វិនិយោជិត នៅតាមបណ្តាក្រុមហ៊ុន រោងចក្រ សហគ្រាស SDF ក៏គាំទ្រដល់ការបណ្តុះបណ្តាលជំនាញដល់អ្នកប្រកបរបរសេដ្ឋកិច្ចក្រៅប្រព័ន្ធផងដែរ ដែលមកទល់ពេលនេះ មានចំនួនជាង១៥០០០នាក់។

​​​លោក គី សុខគីម លើកឡើងបែបនេះ ធ្វើឡើងក្នុងវិធី FRESH BUSINESS​ ពិភាក្សាលើប្រធានបទ៖ «ការពង្រឹងផលិតភាព កម្លាំងពលកម្មជំនាញនៅកម្ពុជា»។

សូមស្តាប់ការលើកឡើងទាំងស្រុងរបស់ លោក គី សុខគីម៖