* មុនជំនួបលោក ត្រាំ-លោក ស៊ី ជីនពីង សហរដ្ឋអាមេរិកជំរុញឱ្យចិនអនុវត្តតាមការសន្យាជុំវិញពាណិជ្ជកម្ម
* សម្តេចមហាបវរធិបតី៖ អត្ថន័យចម្រៀង «ម៉ែ! ពេលចប់សង្រ្គាមពុកមកវិញទេ?» បញ្ជាក់ច្បាស់ ហេតុអ្វីត្រូវអត់ធ្មត់ និងដោះស្រាយបញ្ហាតាមច្បាប់អន្តរជាតិ?
* គម្រោងវិនិយោគ ចំនួន៣៧ ក្នុងទំហំទុន ២៤៦លានដុល្លារ ត្រូវបានចុះបញ្ជីក្នុងខែតុលា
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កីឡាមិនមែនគ្រាន់តែជាសកម្មភាពប្រកួតប្រជែង ដើម្បីដណ្តើមមេដាយ ឬបំបែកកំណត់ត្រានោះទេ។ កីឡា គឺជាមធ្យោបាយដ៏សំខាន់ក្នុងការកសាងមនុស្សឱ្យមានសុខភាពល្អ កាយសម្បទារឹងមាំ, វិន័យ, ការទទួលខុសត្រូវ និងស្មារតីសហការជាក្រុម។ កីឡា ក៏ជាសាលារៀនសម្រាប់អប់រំមនុស្សឱ្យចេះគោរពច្បាប់ គោរពគូប្រកួត ទទួលស្គាល់លទ្ធផល និងក្រោកឈរឡើងវិញនៅពេលបរាជ័យ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរៀបចំឱ្យមានការប្រកួតកីឡាជាតិ និងកីឡាជាតិជនពិការជាប្រចាំ ជាគំនិតផ្តួចផ្តើម ប្រកបដោយឆន្ទៈមោះមុត និងចក្ខុវិស័យវែងឆ្ងាយរបស់សម្តេចតេជោ ហ៊ុន សែន អតីតនាយករដ្ឋមន្រ្តី ក្នុងគោលបំណងផ្តល់ឱកាសដល់កីឡាករ កីឡាការិនីមកពីរាជធានី ខេត្តទាំង២៥ បញ្ចេញសមត្ថភាព ទេពកោសល្យ ព្រមទាំងដុសខាត់ស្មារតី ឆន្ទៈ និងសាមគ្គីភាព។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ព្រឹត្តិការណ៍នេះក៏ដើម្បី បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលចំពោះតម្លៃដ៏វិសេសរបស់កីឡាករ កីឡាការិនី ជាពិសេសជំរុញការផ្លាស់ប្តូរឥរិយាបថសង្គមចំពោះជនមានពិការភាព សំដៅបង្កើតបរិយាកាសសង្គមកម្ពុជា ប្រកបដោយបរិយាប័ន្ន និងសុខដុម ដោយមិនទុកពលរដ្ឋណាម្នាក់ចោល។
* សម្តេចមហាបវរធិបតី ហ៊ុន ម៉ាណែត បានបង្ហាញក្តីសោមនស្សរីករាយ ដែលបានមកចូលរួមក្នុងពិធីបើកការប្រកួត កីឡាជាតិលើកទី៥ និងកីឡាជាតិជនពិការលើកទី៣ ក្រោមបុព្វបទ «កីឡាដើម្បីឯកភាពជាតិ»។
* វិមានក្រឹមឡាំង៖ ក្រុមមន្ត្រីការទូត-យោធារុស្ស៉ី នឹងចូលរួមក្នុងកិច្ចពិភាក្សាជាមួយសហរដ្ឋអាមេរិក និងអ៊ុយក្រែន
* សម្ដេចបវរធិបតី ហ៊ុន ម៉ាណែត អញ្ជើញជាអធិបតីបើកការប្រកួតកីឡាជាតិលើកទី៥ និងកីឡាជាតិជនពិការលើកទី៣
* គ.ប.ឆ.ប. បង្ហាញលទ្ធផលនៃកិច្ចប្រជុំផ្តល់បច្ចុប្បន្នភាពលើការប្រយុទ្ធប្រឆាំងបទល្មើស Online Scams ជូនដល់អង្គទូតបរទេស និងតំណាងអង្គការអន្តរជាតិប្រចាំកម្ពុជា
* ប្រធានាធិបតី ដូណាល់ ត្រាំ ផ្លាស់ប្តូរប្រធានខុទ្ទកាល័យសេតវិមាន បន្ទាប់ពីបរាជ័យក្នុងការបោះឆ្នោតពាក់កណ្តាលអាណត្តិ
* ក្រសួងមុខងារសាធារណៈ៖ ការធ្វើបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែង សម្រេចបាន២៦ក្រសួង-ស្ថាប័ន
* សហរដ្ឋអាមេរិក រាយការណ៍ករណីជំងឺកញ្ជ្រឹលច្រើនបំផុត គិតក្នុងរយៈពេល៣៥ឆ្នាំ
* មនុស្សជាង ៤០០ ០០០នាក់នៅអាល្លឺម៉ង់ ធ្វើការតវ៉ាទាមទារដំឡើងប្រាក់ឈ្នួល និងលក្ខខណ្ឌការងារប្រសើរជាងមុន
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

មហាឧបាសក អៀង សុធារ៉ា ចង់ប្រែក្លាយភូមិកោះពាមរាំង ក្នុងខេត្តព្រៃវែង ទៅជាភូមិគំរូកម្រិតផ្កាយ៣ និងជាភូមិសរីរាង្គ ផលិតផលិតផលកសិកម្ម មិនប្រើសារធាតុគីមីពុល (Video inside)

19-05-2026 15:16

(ភ្នំពេញ)៖ មហាឧបាសកពុទ្ធសាសនូបត្ថម្ភក៍ អៀង សុធារ៉ា ទីប្រឹក្សាគណៈសង្ឃនាយកមហានិកាយនៃព្រះរាជាណាចក្រកម្ពុជា ស្ថាបនិករមណីយដ្ឋានធម្មជាតិភូមិរំដួល ស្ថាបនិករមណីយដ្ឋានភូមិសុខារ៉ាវី និងជាប្រធានសមាគមពាណិជ្ជកម្មនិងវិនិយោគកម្ពុជា-ជប៉ុន (CJBI) បានបង្ហាញបំណងចង់ប្រែក្លាយភូមិកោះពាមរាំង ក្នុងខេត្តព្រៃវែង ដែលជាភូមិគំរូកម្រិតផ្កាយ២ ទូទាំងប្រទេស ទៅជាភូមិគំរូកម្រិតផ្កាយ៣ និងជាភូមិសរីរាង្គ ផលិតផលិតផលកសិកម្ម មិនប្រើសារធាតុគីមីពុល ដែលធ្វើឱ្យប៉ះពាល់ដល់សុខភាព។

តាមរយៈកិច្ចសម្ភាសន៍ជាមួយ Fresh News មហាឧបាសក អៀង សុធារ៉ា បានបញ្ជាក់ឱ្យដឹងថា ភូមិកោះពាមរាំង ក្នុងខេត្តព្រៃវែង ត្រូវបានលោកចុះជួយអស់រយៈពេលជាច្រើនឆ្នាំមកហើយ ដោយលោកបានជួយក្នុងការរៀបចំផ្លូវក្នុងភូមិឱ្យបានស្អាតល្អ មានទឹកស្អាតឱ្យប្រជាពលរដ្ឋប្រើប្រាស់ ជួយរៀបចំធ្វើទំនប់ទឹកដើម្បីការពារផលដំណាំ និងជួយក្នុងការបង្កើតមុខរបររកប្រាក់ចំណូលជូនប្រជាពលរដ្ឋ ជាពិសេសនោះ គឺការជួយដល់ប្រជាពលរដ្ឋឱ្យបានរស់នៅប្រកបដោយសេចក្តីសុខទាំងផ្លូវកាយ និងផ្លូវចិត្ត ជាមួយនឹងការទទួលទានអាហារប្រកបដោយសុវត្តិភាព ដោយប្រើប្រាស់បន្លែ ផ្លែឈើ ត្រី សាច់ ដោយគ្មានសាធាតុគីមី។

ស្របជាមួយនឹងការចុះជួយប្រជាពលរដ្ឋនៅក្នុងភូមិកោះពាមរាំង ក្នុងខេត្តព្រៃវែងនេះដែរ, មហាឧបាសក អៀង សុធារ៉ា ក៏បានបង្ហាញបំណងចង់ប្រែក្លាយភូមិនេះ ទៅជាភូមិគំរូកម្រិតផ្កាយ៣ និងជាភូមិសរីរាង្គ ផលិតផលិតផលកសិកម្ម មិនប្រើសារធាតុគីមីពុល ដោយលោកបញ្ជាក់ថា «សម្រាប់ភូមិកោះពាមរាំងនេះ ទៅថ្ងៃអនាគត យើងនឹងធ្វើឱ្យទៅជាភូមិសរីរាង្គ ដែលមានន័យថា បន្លែ ផ្លែឈើ ដែលចេញពីភូមិនេះនឹងមានបិទផ្លាកថា សរីរាង្គ ដោយយើងនឹងជួយគាំទ្រពួកគាត់ប្រើជីសរីរាង្គ និងជួយគាំទ្រទាំងផ្នែកបច្ចេកទេស»។

សូមបញ្ជាក់ដែរថា ភូមិកោះពាមរាំង ដែលស្ថិតនៅឃុំកោះចេក ស្រុកពាមជរ ខេត្តព្រៃវែង ត្រូវបានទទួលស្គាល់ជាភូមិគំរូកម្រិតផ្កាយ២ ទូទាំងប្រទេស កាលពីថ្ងៃទី៩ ខែមេសា ឆ្នាំ២០២៦ ក្រោយពីការខិតខំអភិវឌ្ឍន៍លើគ្រប់វិស័យរួមមាន ហេដ្ឋារចនាសម្ព័ន្ធ សេដ្ឋកិច្ច សង្គម វប្បធម៌ សុខភាព បរិស្ថាន និងអភិបាលកិច្ចល្អ។ ការអភិវឌ្ឍន៍ដ៏គួរឲ្យកត់សម្គាល់នេះ មានការចូលរួមយ៉ាងសកម្មពីប្រជាពលរដ្ឋ និងការគាំទ្រយ៉ាងពេញទំហឹងពីមហាឧបាសកពុទ្ធសាសនូបត្ថម្ភក៍ អៀង សុធារ៉ា។ បច្ចុប្បន្ន ភូមិកោះពាមរាំង បានក្លាយជាតំបន់ផ្គត់ផ្គង់បន្លែសរីរាង្គ ដ៏សំខាន់ទៅកាន់ទីផ្សារ ដោយប្រជាពលរដ្ឋទទួលបានចំណេះដឹងបច្ចេកទេសដាំដុះ និងការគាំទ្រពីមន្ទីរកសិកម្ម៕

សូមទស្សនាកិច្ចសម្ភាសន៍ទាំងស្រុងជាមួយមហាឧបាសក អៀង សុធារ៉ា៖