ប្រធាននាយកប្រតិបត្ដិ CBC: ការគំរាមកំហែង ក្នុងការបង្ខិតបង្ខំសងប្រាក់ ឬបង្ខំឲ្យលក់អចលនវត្ថុ មិនមែនជាគោលការណ៍ ច្បាប់ហិរញ្ញវត្ថុនៅកម្ពុជានោះទេ, លើកទឹកចិត្ដឲ្យពលរដ្ឋប្ដឹង ! (Video inside)
30-05-2026 16:16
(ភ្នំពេញ)៖ លោក អឿ សុធារ័ត្ន ប្រធាននាយកប្រតិបត្តិ ស៊ីប៊ីស៊ី (CBC) បានលើកឡើងអំពី ការគំរាមកំហែង ក្នុងការបង្ខិតបង្ខំសងប្រាក់ ឬបង្ខំឲ្យលក់អចលនវត្ថុ មិនមែនជាគោលការណ៍ ច្បាប់ហិរញ្ញវត្ថុនៅកម្ពុជានោះទេ។ លោកលើកទឹកចិត្ដឲ្យពលរដ្ឋប្ដឹង ដើម្បីដោះស្រាយតាមនិតិវិធីច្បាប់។
ការលើកឡើងរបស់ប្រធាននាយកប្រតិបត្ដិ CBC ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «ការ ប្រើប្រាស់ ឥណទាន ប្រកប ដោយ ទំនួល ខុសត្រូវ»។
លោក អឿ សុធារ័ត្ន បានថ្លែងឲ្យដឹងថា ក្នុងករណីមានការគម្រាមកំហែងពី មន្រ្ដីបុគ្គលិកធនាគារពាក់ព័ន្ធនឹង ការសងត្រឡប់របស់អតិថិជន ដូចជាការបង្ខំអតិថិជនក្នុងការលក់អចលនទ្រព្យ សូមជំរុញឲ្យអតិថិជនមេត្តារួសរាន់ក្នុងការដាក់ពាក្យប្ដឹង តាមរយៈលេខទូរស័ព្ទនៅក្នុងបញ្ជីបង់ប្រាក់ របស់អតិថិជនដែលមានស្រាប់ ដែលជាលេខ Hot Line ក្នុងសមាគមធនាគារ ដើម្បីដោះស្រាយព័ត៌មានចំបាច់ផ្សេងៗ»។
លោកបានបន្ថែមថា ដូច្នេះសាធារណៈជនអាចទាកទងមកលេខទូរស័ព្ទខាងលើបាន ដើម្បីដាក់ពាក្យបណ្ដឹងបាន ហើយបុគ្គលិកនឹងធ្វើការតាមពាក្យបណ្ឌឹងរបស់អតិថិជន ក្នុងនោះសូមបញ្ជាក់ថា សមាគមទាំង២មានការយល់ព្រមពីអតិថិជន បង្កើតជាមជ្ឈមណ្ឌលការពារអតិថិជន ដើម្បីដោះស្រាយបណ្ដឹងរបស់សាធារណជនផងដែរ៕
