(ភ្នំពេញ)៖ លោក អឿ សុធារ័ត្ន ​ប្រធាននាយកប្រតិបត្តិនៃក្រុមហ៊ុន ក្រេឌីត ប្យួរ៉ូ ​ខេមបូឌា (CBC) ដែលជាអ្នកជំនាញមួយរូបនៅក្នុងប្រទេសកម្ពុជា លើផ្នែកហិរញ្ញវត្ថុ បានចែករំលែកអំពីការប្រើប្រាស់កម្ចី ឲ្យបានត្រឹមត្រូវ ដោយត្រូវខ្ចីត្រឹមអ្វី ដែលអាចត្រឡប់សងទៅវិញ និងយកទៅប្រើឲ្យចំគោលដៅ។

លោក អឿ សុធារ័ត្ន បានបញ្ជាក់ថា ការប្រើប្រាស់ឥណទាន ប្រកបដោយការទទួលខុសត្រូវ គឺត្រូវខ្ចីត្រឹមអ្វី ដែលអាចសង់ត្រឡប់ទៅវិញ និងត្រូវបង់សងឲ្យទាន់ពេលវេលា ព្រោះថា នៅពេលដែលខ្ចីតែងតែមានកាលវិភាគបង់សង កាលណាបង់សងមិនទាន់ពេលវេលា អាចប៉ះពាល់ដល់ប្រវិត្ដឥណទាន និងពិបាកទទួលសេវាឥណទាននៅថ្ងៃក្រោយ។

បន្ថែមពីនោះទៀត លោក អឿ សុធារ័ត្ន បានប្រាប់ឲ្យអតិថិជនទាំងអស់ ត្រូវដឹងអំពីលក្ខខណ្ឌផ្សេងៗ ហើយត្រូវដឹងអំពីការប្រើប្រាស់ឥណទាន ត្រូវដឹងអំពីសេវា និងការប្រាក់ ហើយយកឥណទាននោះ ប្រើប្រាស់ត្រូវគោលដៅឬអត់ ព្រោះអតិថិជមួយចំនួន ប្រើខុសគោលដៅ។

ជាមួយគ្នានេះ លោក អឿ សុធារ័ត្ន ក៏បានស្នើប្រជាពលរដ្ឋប្រើប្រាស់ឥណទានផ្លូវការ ព្រោះការប្រាក់មានចែងច្បាស់លាស់ និងមិនសូវមានហានិភ័យ ដែលខុសពីឥណទានក្រៅផ្លូវការ លឿនតែហានិភ័យខ្ពស់។

លោក អឿ សុធារ័ត្ន បានលើកឡើងថា ឥណទានផ្លូវការ គឺជាឥណទានដែលផ្ដល់ដោយគ្រឹះស្ថានធនាគារ និងហិរញ្ញវត្ថុ ​មានអាជ្ញាប័ណ្ណត្រឹមត្រូវ និងការប្រាក់មានចែងត្រឹមត្រូវ ហើយមានសុវិត្ថភាព ព្រោះមានយុទ្ធការ ក្នុងការការពារអតិថិជន ផ្ទុយពីឥណទានក្រៅផ្លូវការ៕

សូមស្តាប់ការលើកឡើងរបស់លោក អឿ សុធារ័ត្ន៖