(ភ្នំពេញ)៖ លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជា បានថ្លែងលើកទឹកចិត្ត ដល់ក្មេងសម័យថ្មី ត្រូវព្យាយាមប្រឹងប្រែងតស៊ូ ចាប់យកអ្វីថ្មីៗ បើគិតថាខ្លួនរៀនមិនពូកែ សូមចាប់យកជំនាញបច្ចេកទេស កុំទម្លាប់នូវភាពងាយស្រួលខ្លាំងពេក ត្រូវចេះស្វះស្វែងរិះរកចំណេះដឹងថ្មីៗ ដើម្បីអនាគតកាន់តែល្អប្រសើរ។

លោក ជា ចាន់ដារ៉ា បានថ្លែងថា ក្មេងៗសម័យនេះ ម្ដាយឪពុកមានជីវភាពធូរធារច្រើន ពិសេសក្មេងៗនៅភ្នំពេញ ដូច្នេះការសិក្សាររៀនសូត្រ ក៏មានភាពងាយស្រួលផងដែរ និយាយឲ្យចំចំណុចគឺបែបនេះ ក្មេងៗដែលមានឪពុកម្ដាយមានភាពធូរធារច្រើន គឺមានភាពងាយស្រួលច្រើន ដូច្នេះចំពោះការធ្វើការដែលមានប្រាក់ខែចន្លោះ២០០ដុល្លារអី គឺពួកគាត់អាចនឹងមិនអាចឬមិនធ្វើ។

លោកបានបន្ថែមថា មួយទៀតចំពោះក្មេងៗមួយចំនួននៅទីក្រុងភ្នំពេញ និងក្មេងៗនៅតាមបណ្ដាខេត្តភាគច្រើន ក្មេងៗតាមបណ្ដាខេត្តមានភាពតស៊ូច្រើនជាង ចំពោះការបំពេញការងារ ជាងក្មេងៗដែលរស់នៅភ្នំពេញនិយាយមួយចំនួនប៉ុណ្ណោះ។

លោកបានបន្ដថា និយាយចំពោះក្មេងជំនាន់មុន និងជំនាន់ក្រោយ គឺអ្នកជំនាន់មុនមានភាពតស៊ូច្រើនជាងអ្នកជំនាន់ក្រោយ ព្រោះផ្អែកលើជីវភាពអ្នកជំនាន់មុន មានភាពក្រីក្រលំបាកជាងអ្នកជំនាន់ក្រោយ ដូច្នេះអ្វីក៏ធ្វើដែរឲ្យតែបានថវិកា ដូច្នេះការអំណត់តស៊ូក៏មានច្រើនជាងក្មេងជំនាន់ក្រោយ។

សូមស្ដាប់ការលើកឡើងរបស់លោក ជា ចាន់ដារ៉ា ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «បទពិសោធន៍នៃការអភិវឌ្ឍខ្លួនរបស់លោក ជា ចាន់ដារ៉ា ផ្តើមពីសន្តិសុខ ឈានជាអ្នកដឹកនាំ រហូតក្លាយជាប្រធានសមាគមពាណិជ្ជករដឹកជញ្ជូន» ខាងក្រោម៖