អ្នកឧកញ៉ា លឹម ហេង៖ ការបិទព្រំដែនដោយឯកតោភាគីរបស់ថៃ កំពុងកាត់ផ្តាច់ការតភ្ជាប់សហគមន៍សេដ្ឋកិច្ចអាស៊ាន និងសេដ្ឋកិច្ចមេគង្គ-ជប៉ុន (Video inside)
19-06-2026 12:00
(ភ្នំពេញ)៖ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា ការបិទព្រំដែនគោកជាឯកតោភាគីរបស់ថៃ បាននិងកំពុងទទួលសម្ពាធពីសហគមន៍អាស៊ាន ព្រោះការបិទព្រំដែននេះ បានធ្វើឱ្យមានផលប៉ះពាល់ដល់ការតភ្ជាប់សហគមសេដ្ឋកិច្ចអាស៊ាន ពោលគឺបានកាត់ផ្តាច់ការតភ្ជាប់ការដឹកជញ្ជូនពីវៀតណាមទៅថៃ និងពីថៃទៅវៀតណាមជាដើម។
ជាមួយគ្នានេះ មិនត្រឹមតែកាត់ផ្តាច់តភ្ជាប់សហគមសេដ្ឋកិច្ចអាស៊ាននោះទេ ថែមទាំងប៉ះពាល់ដល់ការភ្ជាប់សេដ្ឋកិច្ច ជប៉ុន-មេគង្គ ដែលនាំឱ្យប៉ះពាល់ដល់ការនាំចេញនាំចូលទិញរបស់ក្រុមហ៊ុនជប៉ុន។ ដូច្នេះហើយ ជប៉ុនដាក់សម្ពាចទៅកាន់ថៃ ជំរុញឱ្យបើកព្រំដែនផងដែរ។
តែយ៉ាងសម្រាប់កម្ពុជា ការបិទព្រំដែនគោកជាមួយថៃ ធ្វើឱ្យកម្ពុជាប៉ះពាល់ក្នុងរយៈពេលខ្លី ហើយប៉ះពាល់តែប្រជាពលរដ្ឋនៅតាមព្រំដែនប៉ុណ្ណោះ ប្រសិនការបិទព្រំដែននេះអូសបន្លាយពេលវែង កម្ពុជានឹងរៀបចំផែនការច្បាស់លាស់ ក្នុងការបញ្ចៀសប៉ះពាល់នេះ។
អ្នកឧកញ៉ា លឹម ហេង លើកឡើងបែបនេះ ធ្វើឡើង ក្នុងកម្មវិធី FRESH BUSINESS ពិភាក្សាលើប្រធានបទ «ការពង្រីកមូលដ្ឋានផលិតកម្មនៅកម្ពុជា ក្រោយ១ឆ្នាំនៃការបិទច្រកព្រំដែនគោកពីភាគីថៃ»។
សូមស្តាប់ការពន្យល់បន្ថែមរបស់ អ្នកឧកញ៉ា លឹម ហេង៖
