(ភ្នំពេញ)៖ តាមរយៈកិច្ចសម្ភាសតាមប្រព័ន្ធអនឡាញជាមួយអង្គភាពសារព័ត៌មាណ Fresh News, អ្នកជំនាញសេដ្ឋកិច្ច បានលើកឡើងពីអត្ថប្រយោជន៍ជាច្រើន ក្រោយកម្ពុជាអាចនាំកសិផលទៅកាន់ប្រទេសចិន ដោយឆ្លងកាត់ប្រទេសឡាវ។

នៅថ្ងៃទី២២ ខែមិថុនា ឆ្នាំ២០២៦ម្សិលមិញនេះ ពិធីសម្ពោធជាផ្លូវការនៃការដឹកជញ្ជូនកសិផលឆ្លងកាត់ (Transit) ពីកម្ពុជា ទៅកាន់ទីផ្សារប្រទេសចិន ដោយឆ្លងកាត់ប្រទេសឡាវ ត្រូវបានប្រារព្ធឡើងនៅទីក្រុងវៀងចន្ទន៍ ក្រោមអធិបតីរដ្ឋមន្ត្រីក្រសួងកសិកម្មប្រទេសទាំងពីរ។ ការណ៍នេះ អាចបើកផ្លូវ និងសម្របសម្រួលនីតិវិធីនានា ក្នុងការបើកច្រកថ្មីសម្រាប់ការដឹកជញ្ជូនឆ្លងកាត់កសិផលខ្មែរចំនួន ៦មុខទៅកាន់ទីផ្សារចិន ដែលរួមមានចេក ស្វាយ អង្ករ មៀនប៉ៃលិន ម្សៅដំឡូងមី និងទុរេន។

លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ច បានមានប្រសាសន៍ថា ការនាំចេញកសិផលកម្ពុជាទៅប្រទេសចិន ដោយឆ្លងកាត់តាមច្រកប្រទេសឡាវ នឹងជួយកាត់បន្ថយថ្លៃដើមកសិផលរបស់យើង ដែលកន្លងទៅការនាំចេញឆ្លងកាត់តាមច្រកវៀតណាម ត្រូវតម្រូវឱ្យបង់សេវាបន្ថែម ៨០០ដុល្លារ។

ជាមួយគ្នានេះ លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម- សេដ្ឋកិច្ច បានលើកឡើងថា សមិទ្ធផលថ្មីនេះ នឹងអាចបើកឱកាសដល់កសិផលកម្ពុជាកាន់តែច្រើនថែមទៀតទៅកាន់ទីផ្សារប្រទេសចិន។ លោក ក៏មើលឃើញពីអត្ថប្រយោជន៍ដែលក្រុមហ៊ុននាំចេញកសិផលនឹងទទួលបាន ដ្បិតថាការដឹកជញ្ជូនទំនិញតាមផ្លូវដែកប្រើរយៈពេលខ្លីជាការដឹកជញ្ជូនតាមផ្លូវទឹក។

មិនខុសពីអ្នកជំនាញខាងលើ លោក ច័ន្ទ សុផល អ្នកជំនាញសេដ្ឋកិច្ច ក៏បានមានប្រសាសន៍ថា ការបើកច្រកថ្មីបន្ថែមក្នុងការនាំចេញកសិផលកម្ពុជាទៅកាន់ប្រទេសចិន ដោយមិនពឹងផ្អែកតែមួយច្រក៕

សូមស្ដាប់ការលើកឡើងរបស់អ្នកជំនាញដូចតទៅ៖