មន្រ្តី ក.ប.ប៖ ការកសាងទំនុកចិត្តអ្នកប្រើប្រាស់ ការពង្រឹងគុណភាព សុវត្ថិភាពចំណីអាហារ និងអនុលោមភាព គឺត្រូវប្រឹងរួមគ្នា ទាំងអ្នកអនុវត្ត និងអ្នកប្រើប្រាស់ (Video inside)
26-06-2026 14:12
(ភ្នំពេញ)៖ លោក ម៉េង សុងឃាង អគ្គនាយករងអគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង (ក.ប.ប) លើកឡើងថា ការកសាងទំនុកចិត្តអ្នកប្រើប្រាស់ ការពង្រឹងគុណភាព សុវត្ថិភាពចំណីអាហារ និងអនុលោមភាព គឺត្រូវប្រឹងរួមគ្នា ទាំងអ្នកអនុវត្ត និងអ្នកប្រើប្រាស់ ព្រមទាំងអ្នកធុរកិច្ច។
លោកបញ្ជាក់ថា សម្រាប់ស្ថាប័នមានសមត្ថកិច្ចត្រូវបន្តបេសកម្មប្រកបដោយស្មារតីទទួលខុសត្រូវ ស្របតាមច្បាប់ និងបទបញ្ញត្តិជាធរមាន និងដំកល់ផលប្រយោជន៍ជាតិ និងអ្នកប្រើប្រាស់ជាធំ។ចំណែកអ្នកប្រើប្រាស់វិញ ត្រូវយល់ដឹងពីសិទ្ធិរបស់ខ្លួន ក្នុងករណីដែលត្រូវបានគេបោក ត្រូវដាក់ពាក្យបណ្តឹង និងទាមទារសំណង់។ ដោយឡែកអ្នកធុរកិច្ច ដែលផលិត និងនាំចូលទំនិញ ត្រូវតែធានានូវគុណភាព សុវត្ថិភាពចំណីអាហារសម្រាប់ប្រើប្រាស់ និងអនុលោមច្បាប់។
លោក ម៉េង សុងឃាង គូសបញ្ជាក់បែបនេះ ធ្វើឡើងក្នុងកម្មវិធី FRESH BUSINESS ពិភាក្សាលើប្រធានបទ៖ «យន្តការការពារអ្នកប្រើប្រាស់ និងការកសាងទំនុកចិត្តលើទំនិញកម្ពុជា»។
សូមស្តាប់ការលើកឡើងរបស់ លោក ម៉េង សុងឃាង៖
