(ភ្នំពេញ)៖ ​លោក ម៉េង សុងឃាង អគ្គនាយករងអគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង (ក.ប.ប) បានគូសបញ្ជាក់ថា ទំនុកចិត្តអ្នកប្រើប្រាស់ទំនិញក្នុងស្រុកធ្លាក់ចុះ មកពីកត្តា៣គឺ គុណភាពនៃទំនិញមិនឋិតថេរ ការផ្សព្វផ្សាយពាណិជ្ជកម្មហួសការពិត និងការចរាចរផលិតផលក្លែងក្លាយ បន្លំម៉ាកនៅលើទីផ្សារជាដើម។

លោកបន្ថែមថា ជាមួយគ្នានេះ ការមិនទទួលបានដំណោះស្រាយសមស្រប នៅពេលខ្លួនត្រូវបានអ្នកលក់អ្នកចែកចាយបោកប្រាស់ ក៏ជា​បញ្ហាមួយ​ដែលធ្វើឱ្យទំនុកចិត្តអ្នកប្រើប្រាស់ទំនិញក្នុងស្រុកធ្លាក់ចុះផងដែរ។ ហេតុដូច្នេះហើយ ទើប ក.ប.ប ពង្រឹងការអនុវត្តច្បាប់ ដើម្បីស្តារទំនុកចិត្តអ្នកប្រើប្រាស់។

លោក ម៉េង សុងឃាង គូសបញ្ជាក់បែបនេះ ធ្វើឡើងក្នុងកម្មវិធី FRESH BUSINESS​ ពិភាក្សាលើប្រធានបទ៖ «យន្តការការពារអ្នកប្រើប្រាស់ និងការកសាងទំនុកចិត្តលើទំនិញកម្ពុជា»។

សូមស្តាប់ការលើកឡើងរបស់ លោក ម៉េង សុងឃាង៖