(ភ្នំពេញ)៖ លោក ភោគ វណ្ណឌី អនុប្រធាននាយកប្រតិបត្តិទទួលបន្ទុកព័ត៌មានវិទ្យា នៃធនាគារ ខេប៊ីប្រាសាក់ ដែលអ្នកជំនាញហិរញ្ញវត្ថុ បានជំរុញឱ្យប្រជាពលរដ្ឋ ដែលត្រូវបានគេលួចលុយពីគណនីធនាគារ ត្រូវប្រញាប់ទាក់​ទងទៅធនាគារឱ្យឆាប់ ដើម្បីធនាគារចាត់វិធានការទាន់ពេល ជៀសវាងត្រូវជនខិលខូចដកសាច់ប្រាក់បាន។​

លោកបានពន្យល់ថា នៅពេលដែលធនាគារទទួលបានព័ត៌មាន ឬបញ្ហាដែលអតិថិជនជួបប្រទះ ធនាគារនោះនឹងព្យាយាមទាក់ទងទៅធនាគារដៃគូ ឱ្យចាត់វិធានការដូចជាការបង្កកលុយទុកមិនឱ្យជនល្មើសដកលុយបាន ឬផ្ទេរទៅធនាគារផ្សេងៗបាន។ ​ការរាយការណ៍ភ្លាមៗនេះ បើទោះបីជា លុយបានផ្ទេរចូលគណនីជនខិលខូចហើយក៏ដោយ ក៏មិនទាន់បាត់បង់ដែរ ប៉ុន្តែប្រសិនបើជនរងគ្រោះរាយការណ៍យឺតពេល ហើយជនខិលខូចដកពីធនាគារជាសាច់ប្រាក់ហើយ នោះនឹងពិបាកក្នុងការដោះស្រាយ។

លោក ភោគ វណ្ណឌី លើកឡើងបែបនេះ ធ្វើឡើងក្នុងកម្មវិធី CYBER SECURITY​ ជជែកពីសន្តិសុខសាយប័រ លើប្រធានបទ៖ «ការលុបគណនីធនាគារដែលប្រើប្រាស់លេខទូរស័ព្ទគ្មានអត្តសញ្ញាណច្បាស់លាស់»៕

សូមស្តាប់ការលើកឡើងរបស់​លោក ភោគ វណ្ណឌី ទាំងស្រុង៖