(ភ្នំពេញ)៖ លោក ភោគ វណ្ណឌី អនុប្រធាននាយកប្រតិបត្តិទទួលបន្ទុក ព័ត៌មានវិទ្យា នៃធនាគារ ខេប៊ី ប្រាសាក់ បានបង្ហាញប្រាប់អំពីអ្វីដែលមិនគួរធ្វើ ចំពោះអ្នកប្រើប្រាស់ Credit Card ព្រោះប្រសិនបើមានជនខិលខូច យកលេខកាតបាននោះ នឹងមានបញ្ហាជាច្រើនកើតឡើង។

ការលើកឡើងរបស់លោក ភោគ វណ្ណឌី ធ្វើឡើងក្នុងកម្មវិធី CYBER SECURITY: «ជជែកអំពីសន្តិសុខសាយប័រ» លើប្រធានបទ៖ «ការលុបគណនីធនាគារ ដែលប្រើប្រាស់លេខទូរស័ព្ទ គ្មានអត្តសញ្ញាណច្បាស់លាស់»។

លោក ភោគ វណ្ណឌី បានថ្លែងឲ្យដឹងថា ចំពោះអ្នកប្រើប្រាស់ Credit Card ប្រសិនបើមានជនខិលខូចយកព័ត៌មានសំខាន់ៗ ពីកាតរបស់យើងបានហើយនោះ ជនខិលខូចនឹងយកទៅធ្វើប្រតិបត្តិការទិញទំនិញអនឡាញផ្សេង។ អ្វីដែលយើងពុំគួរផ្ដល់ទៅឲ្យគេ គឺលេខកាត ថ្ងៃផុតសុពលភាពរបស់កាត និងលេខកូដផ្ទៀងផ្ទាត់។

លោកបានបញ្ជាក់ថា ដូច្នេះព័ត៌មានដែលបានរៀបរាប់ខាងលើនេះ ជាព័ត៌មានដែលមិនត្រូវឲ្យអ្នកដទៃដឹងអំពីកាតរប​ស់យើងឡើយ ដើម្បីការពារ និងជៀសវៀងការបោកប្រាស់ណាមួយ៕

សូមស្តាប់ការលើកឡើងរបស់លោក ភោគ វណ្ណឌី ៖