(ភ្នំពេញ)៖ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានពន្យល់អំពីមូលហេតុនានា ដែលនាំឲ្យកម្ពុជានាំចូលច្រើនមែនពិត ប៉ុន្ដែសេដ្ឋកិច្ចនៅកម្ពុជានៅតែរីកចម្រើន ក៏ព្រោះថាកម្ពុជានាំចូលវត្ថុធាតុដើមមកកែច្នៃនាំចេញ មិនមែននាំចូលផលិតផលសម្រេចនោះទេ។

ការលើកឡើងរបស់អ្នកឧកញ៉ា លឹម ហេង ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «ការអនុវត្តច្បាប់ធុរកិច្ចរវាងមន្ត្រី និងធុរជន»។

អ្នកឧកញ៉ា លឹម ហេង បានថ្លែងឲ្យដឹងថា «ជាង៣០ឆ្នាំមកនេះកម្ពុជា សេដ្ឋកិច្ចកម្ពុជាមានកំណើន ដោយសារតែការនាំចូលច្រើន សូមបញ្ជាក់ត្រង់ចំណុចនេះថា អ្នកខ្លះថាប្រទេសមួយមានសេដ្ឋកិច្ចរីកចម្រើន ដោយសារតែមានការនាំចេញច្រើន បើនាំចូលច្រើននឹងមានឱនភាពសេដ្ឋកិច្ច ប្រទេសជឿនលឿននាំចេញច្រើនទើបសេដ្ឋកិច្ចរីកចម្រើន ប៉ុន្ដែកម្ពុជាកំណើនសេដ្ឋកិច្ចរីកចម្រើន ដោយសារតែការនាំចូល តែកម្ពុជានាំចូលតែវត្ថុធាតុដើមច្រើនប៉ុណ្ណោះ មិនមែននាំចូលផលិតផលសម្រេចនោះទេ»។

អ្នកឧកញ៉ា លឹម ហេង បានបន្ថែមថា កម្ពុជានាំចូលកាន់តែច្រើន ហើយការនាំចេញកាន់តែច្រើនដូចគ្នា ប៉ុន្ដែទោះជាយ៉ាងណាការនាំចេញរបស់កម្ពុជា មានតិចជាងការនាំចូល ព្រោះយើងត្រូវការវត្ថុធាតុដើម ដើម្បីកែច្នៃនាំចេញ៕

សូមស្តាប់ការលើកឡើងរបស់អ្នកឧកញ៉ា លឹម ហេង៖