ឧកញ៉ាបណ្ឌិត គឹម ហ៊ាង៖ កុំខ្ចីលុយគេ ប្រសិនបើយើងប្រាកដថាគ្មានលទ្ធភាពសង ហើយត្រូវរស់នៅជាមួយនឹងការពិត (Video inside)
10-07-2026 13:28
(ភ្នំពេញ)៖ ឧកញ៉ាបណ្ឌិត គឹម ហ៊ាង ដែលជាអ្នកជំនួញអចលនទ្រព្យដ៏ល្បីល្បាញមួយរូបនៅកម្ពុជា បានផ្តល់ ផ្តល់យោល់ដល់អ្នករកស៊ីនិង ប្រជាពលរដ្ឋ «កុំខ្ចីលុយគេ ប្រសិនបើយើងប្រាកដថាគ្មានលទ្ធភាពសង» ហើយមនុស្សម្នាក់ៗគួរតែរស់នៅតាមស្ថានភាពជាក់ស្តែងរបស់ខ្លួន។
លោកបានពន្យល់ថា ប្រសិនបើយើងមានទ្រព្យសម្បត្តិ ១០ ម៉ឺនដុល្លារ គឺត្រូវរស់នៅបែប ១០ ម៉ឺនដុល្លារ កុំធ្វើជាមនុស្សដែលមានទ្រព្យសម្បត្តិ ១០ ម៉ឺនដុល្លារ តែរស់នៅបែបអ្នកមាន ៥០ ម៉ឺនដុល្លារ ដែលអាចនាំឲ្យមានបំណុល និងបញ្ហានៅថ្ងៃណាមួយ។លោកបានបន្ថែមថា ការធ្វើជាមនុស្សល្អ ស្មោះត្រង់ និងខិតខំប្រឹងប្រែង គឺជាកត្តាសំខាន់ដែលនាំឲ្យមានការជួយជ្រោមជ្រែងពីមនុស្សជុំវិញខ្លួន។
ឧកញ៉ាបណ្ឌិត គឹម ហ៊ាង ក៏បានរំលឹកពីបទពិសោធន៍ផ្ទាល់ខ្លួនក្នុងអាជីវកម្មរយៈពេល២៥ ឆ្នាំ ចាប់តាំងពីឆ្នាំ ២០០១ មក ដោយដើមទុនដំបូងរបស់លោកមិនមែនជាលុយនោះទេ គឺលោកបានចាប់ផ្តើមអាជីវកម្មដោយប្រើប្រាស់គំនិត ខណៈពេលដែលលោកនៅជានិស្សិត។ លោកបានទទួលស្គាល់ថា ធ្លាប់ជួបបញ្ហាស្ទះលុយច្រើនដង ប៉ុន្តែបញ្ហាទាំងនោះកើតឡើងដោយសារតែការពង្រីកអាជីវកម្ម ដែលតម្រូវឲ្យមានដើមទុន និងធនធានមនុស្សបន្ថែម មិនមែនដោយសារការខ្ជះខ្ជាយ ឬល្បែងស៊ីសងនោះទេ។
ឧកញ៉ាបណ្ឌិត គឹម ហ៊ាង លើកឡើងបែបនេះ FRESH BUSINESS ពិភាក្សាលើប្រធានបទ៖ «បទពិសោធន៍នៃការដោះស្រាយ និងគ្រប់គ្រងបំណុលរបស់ឧកញ៉ាបណ្ឌិត គឹម ហ៊ាង !»។
សូមស្តាប់ការបកស្រាយទាំងស្រុង របស់ ឧកញ៉ាបណ្ឌិត គឹម ហ៊ាង៖
