(ភ្នំពេញ)៖ ឧកញ៉ាបណ្ឌិត គឹម ហ៊ាង អ្នកជំនាញអចលនទ្រព្យដ៏ល្បីល្បាញមួយរូបនៅកម្ពុជា បានផ្តល់អនុសាសន៍ ដល់យុវជនជំនាន់ក្រោយ ឱ្យមានការប្រុងប្រយ័ត្នខ្ពស់ក្នុងការជ្រើសរើសបុគ្គលជោគជ័យណាមួយមកធ្វើជាគំរូ ដោយលោកបានសង្កត់ធ្ងន់ថា យុវជនមិនគួរបាក់ជើងជឿលើរូបភាព ឬការផ្សព្វផ្សាយនៅលើបណ្តាញសង្គមដោយងាយៗនោះទេ ព្រោះបុគ្គលមួយចំនួនដែលបង្ហាញខ្លួនថាជោគជ័យ អាចនឹងមិនមែនជាការពិតទាំងស្រុងឡើយ។

ឧកញ៉ាបណ្ឌិត គឹម ហ៊ាង បានលើកឡើងថា យុវជនជាច្រើន ជាពិសេសអ្នកដែលទើបបញ្ចប់ការសិក្សា តែងតែមាននិន្នាការដើរតាមភាពជោគជ័យរបស់អ្នកដទៃដែលពួកគេឃើញតាមបណ្តាញសង្គម។ ទោះជាយ៉ាងណាក៏ដោយ លោកបានផ្តល់ជាដំបូន្មានថា មុននឹងសម្រេចចិត្តយកបុគ្គលណាមួយជាគំរូ យុវជនចាំបាច់ត្រូវតែពិនិត្យឱ្យបានច្បាស់លាស់នូវប្រវត្តិ និងសកម្មភាពរកស៊ីរបស់បុគ្គលនោះ។ ការពិនិត្យនេះរួមមាន ការស្វែងយល់ថា តើបុគ្គលនោះមានក្រុមហ៊ុនប៉ុន្មាន? មានបុគ្គលិកប៉ុន្មាននាក់? រកស៊ីមុខរបរអ្វីពិតប្រាកដ? និងបង់ពន្ធជូនរដ្ឋបានប៉ុន្មានក្នុងមួយឆ្នាំ?

លោកបានបន្ថែមថា ការគ្រាន់តែឃើញបុគ្គលណាម្នាក់ពូកែនិយាយ ឬលេចមុខច្រើននៅលើ Facebook និង YouTube មិនមែនជាមូលដ្ឋានគ្រប់គ្រាន់ក្នុងការយកគាត់ជាគម្រូឬ Idol នោះទេ។

ឧកញ៉ាបណ្ឌិត គឹម ហ៊ាង លើកឡើងបែបនេះ FRESH BUSINESS ពិភាក្សាលើប្រធានបទ៖ «បទពិសោធន៍នៃការដោះស្រាយ និងគ្រប់គ្រងបំណុលរបស់ឧកញ៉ាបណ្ឌិត គឹម ហ៊ាង !»។

សូមស្តាប់ការបកស្រាយទាំងស្រុង របស់ ឧកញ៉ាបណ្ឌិត គឹម ហ៊ាង៖