ឧកញ៉ាបណ្ឌិត គឹម ហ៊ាង លើកឡើងពីដំណោះស្រាយសម្រាប់អ្នកបង់រំលស់ផ្ទះជាមួយបុរី ឬធនាគារ គួរធ្វើនៅពេលដែលជាប់គាំងហិរញ្ញវត្ថុ (Video inside)
10-07-2026 13:31
(ភ្នំពេញ)៖ ឧកញ៉ាបណ្ឌិត គីម ហ៊ាង ប្រធានក្រុមប្រឹក្សាភិបាលបុរីវិមានសំណាង បានលើកឡើងអំពីដំណោះស្រាយ សម្រាប់អ្នកបង់រំលោះផ្ទះជាមួយបុរី ឬធនាគារ គួររើសជម្រើសនៃការនិយាយចរចារជាមួយបុរី ឬធនាគារ ពីបញ្ហាដែលយើងកំពុងជួបប្រទះ ដែលនាំឲ្យជាប់គាំងហិរញ្ញវត្ថុ។
ការលើកឡើងរបស់លោក ឧកញ៉ាបណ្ឌិត គីម ហ៊ាង ធ្វើឡើងក្នុងកម្មវិធី FRESH BUSINESS: កិច្ចពិភាក្សាលើប្រធានបទ៖ «បទពិសោធន៍នៃការដោះស្រាយ និងគ្រប់គ្រងបំណុលរបស់ឧកញ៉ាបណ្ឌិត គឹម ហ៊ាង។
ឧកញ៉ាបណ្ឌិត គីម ហ៊ាង បានលើកឡើងថា ហានិភ័យនៅពេលខាងមុខមើលមិនឃើញករណីមានបញ្ហាណាមួយដែលជាប់គាំង មិនមានលទ្ធភាពនៃការបង់រំលស់ផ្ទះជាមួយបុរី ឬធនាគារ យើងមានជម្រើស២ផ្ដល់ជូនរួមមាន ការលក់ផ្ទះក្នុងតម្លៃណាមួយដែលសមស្រប់ ប៉ុន្ដែការលក់ផ្ទះនេះជាជម្រើសដែលមិនមានជម្រើសប៉ុណ្ណោះ សម្រាប់ជម្រើសផ្សេងទៀតគឺត្រូវជជែកនិយាយជាមួយធនាគារ សូមបង់ការប្រាក់ក្នុងរយៈពេលណាមួយ ធនាគារនឹងផ្ដល់ជម្រើសជូនដល់អតិថិជន ក្នុងករណីណាមួយ។
ឧកញ៉ាបណ្ឌិតបានបន្ដថា «ជាគោលការណ៍របស់ធនាគារ ឬគោលការណ៍បុរី គឺពិតជាមិនចង់យកផ្ទះពីអតិថិជនមកវិញនោះទេ ប៉ុន្ដែពេលអតិថិជនមានបញ្ហា គឺត្រូវទាមទាររកដំណោះស្រាយ ដោយភាពស្មោះត្រង់រវាងគ្នា និងគ្នា»។
ឧកញ៉ាបណ្ឌិត គីម ហ៊ាង បានបញ្ជាក់ថា ក្នុងករណីមួយទៀតគឺអតិថិជនអាចដោះដូរផ្ទះ ដែលមានតម្លៃថ្លៃដូរយកផ្ទះមានតម្លៃទាបជាងនេះ ឬលក់ផ្ទះថ្លៃទិញផ្ទះធូរថ្លៃជាងនេះ ភាពច្រើននៃបញ្ហាដែលដោះមិនចេញដោយសារតែមនុស្សភាគច្រើនមុខធំជាងខ្លួន ធ្លាប់តែខ្លាំងពេលធ្លាក់មិនអាចទទួលយកបាន ប៉ុន្ដែប្រសិនបើយើងទទួលស្គាល់ខ្លួនឯង និងការពិតគឺមិនមានអ្វីដែលពិបាកនោះឡើយ។ ប្រសិនករណីមានបញ្ហាដូចបានរៀបរាប់ខាងលើ រឿងដែលចាំបាច់ត្រូវធ្វើគឺធ្វើ ព្រោះមិនមានលុយធ្លាក់ពីលើមេឃនោះឡើយ ឬុមានអ្នកជួយអ្នកដោយគ្មានលក្ខខណ្ឌនោះទេ៕
